უცხოეთი
ბლინკენი თურქეთში ვიზიტის შემდეგ: ჩვენი მოლაპარაკებები მოიცავდა იმას, თუ რისი გაკეთება შეგვიძლია ხანგრძლივი მშვიდობის დასამყარებლად
აშშ-ის სახელმწიფო დეპარტამენტი, ენტონი ბლინკენის თურქეთში ვიზიტის შემდეგ, შემაჯამებელ ინფორმაციას ავრცელებს. ენტონი ბლინკენი დღეს ანკარაში თურქეთის საგარეო საქმეთა მინისტრს, ჰაკან ფიდანს შეხვდა. სპიკერ მეთიუ მილერის თქმით, მდივანმა ბლინკენმა და საგარეო საქმეთა მინისტრმა ფიდანმა განიხილეს ისრაელ-“ჰამასის“ კონფლიქტი, მათ შორის რეგიონში კონფლიქტის გავრცელების პრევენციის აუცილებლობა. ორივე მხარე შეთანხმდა მშვიდობიანი მოსახლეობის დაცვისა და ღაზის სექტორში მყოფ მშვიდობიანი მოსახლეობისთვის ჰუმანიტარული დახმარების მიწოდების კრიტიკულ მნიშვნელობაზე. მდივანმა და საგარეო საქმეთა მინისტრმა ფიდანმა ხაზი გაუსვეს აშშ-თურქეთის ხანგრძლივი თანამშრომლობის მნიშვნელობას, შეეხნენ NATO-ს მოკავშირეებისა და ევროატლანტიკური უსაფრთხოების პრიორიტეტებს, მათ შორის შვედეთის NATO-ში გაწევრიანების საკითხებს. თურქეთის დედაქალაქ ანკარაში ბლინკენმა შეხვედრა გამართა თურქეთის საგარეო საქმეთა მინისტრთან, ჰაკან ფიდანთან, მანამდე ის იმყოფებოდა იორდანიაში, დასავლეთ სანაპიროზე, კვიპროსსა და ერაყში. ბაიდენის ადმინისტრაცია „ჰუმანიტარული პაუზის“ მომხრეა. ბლინკენმა ახლო აღმოსავლეთში დიპლომატიური ტურნე 6 ნოემბერს, თურქეთში ვიზიტით დაასრულა. ბლინკენმა თურქეთში ვიზიტის შემდეგ, მედიასთან განაცხადა, რომ მოლაპარაკებები რეგიონში ფოკუსირებული იყო სამ საკითხზე - “როგორ გავაფართოოთ ჰუმანიტარული დახმარება, როგორ შევაჩეროთ კონფლიქტის გავრცელება და ასევე „რისი გაკეთება შეგვიძლია გრძელვადიანი, მდგრადი, გრძელვადიანი მშვიდობისთვის პირობების შესაქმნელად." ჰუმანიტარული დახმარება: ბლინკენის თქმით, აშშ მუშაობს "ძალიან აგრესიულად" და "ძალიან კონკრეტული გზებით" ღაზის სექტორში დამატებითი დახმარების მისაღებად. აშშ-ის სახელმწიფო მდივანი ამ თვალსაზრისით პროგრესზე მიუთითებს და აცხადებს, რომ დახმარება მნიშვნელოვნად გაფართოვდება „მომდევნო დღეებში." მისი თქმით, აშშ იზიარებს შეშფოთებას ღაზის სექტორში პალესტინელების "საშინელი მსხვერპლის" გამო. მძევლებთან დაკავშირებით, ბლინკენმა აღნიშნა, რომ აშშ ამ საკითხზე ფოკუსს ინარჩუნებს და ყველაფერს გააკეთებს, რათა ეს ადამიანები სახლში დაბრუნდნენ. ბლინკენის თქმით, აშშ-მ ისრაელს კონკრეტული ნაბიჯები შესთავაზა მშვიდობიან მოსახლეობაში მსხვერპლის შესამცირებლად. „ზოგჯერ რაღაც ცუდის არარსებობა შეიძლება, არ იყოს პროგრესის ყველაზე აშკარა მტკიცებულება, მაგრამ ეს ასეა,“ - აღნიშნა ბლინკენმა.
უკრაინას სჭირდება ხანგრძლივი მშვიდობა და არა მორიგი გაყინული კონფლიქტი - ევროკომისიის პრეზიდენტი
ევროკავშირმა უნდა განაგრძოს ჩართულობა, რათა მთელი მსოფლიოს ქვეყნებიდან უკრაინის მშვიდობის ფორმულის მიმართ უფრო მეტი მხარდაჭერა უზრუნველყოს. შესაბამისი განცხადება ევროკომისიის პრეზიდენტმა ურსულა ფონ დერ ლაიენმა ბრიუსელში, ევროკავშირის ელჩების კონფერენციაზე გააკეთა. „მე ვიცი, რომ ეს რთული სამუშაოა, მაგრამ არსებითად, საბოლოო ჯამში, მთელი მსოფლიო ისარგებლებს უკრაინაში სამართლიანი და ხანგრძლივი მშვიდობით. ეს უნდა იყოს ჩვენი მთავარი მისია,“ - აღნიშნა ფონ დერ ლაიენმა. ევროკომისიის პრეზიდენტმა ხაზგასმით აღნიშნა, რომ უკრაინას სჭირდება გრძელვადიანი უსაფრთხოება. ამასთან დაკავშირებით, ევროკავშირმა უნდა უზრუნველყოს მდგრადი სამხედრო ძალა, რომელსაც შეუძლია, დაიცვას უკრაინა ახლა და შეაჩეროს რუსული აგრესია მომავალში, რათა „ისტორია არ განმეორდეს.“ ევროკომისიის პრეზიდენტმა ხაზგასმით აღნიშნა, რომ საბრძოლო მასალის გარდა, აუცილებელია უკრაინის დახმარება საჰაერო თავდაცვისა და საზღვაო შესაძლებლობების განვითარებაში. საშუალო და გრძელვადიან პერსპექტივაში, ეს ასევე მოიცავს კიბერ და კოსმოსურ შესაძლებლობებს. 2022 წლის თებერვლიდან უკრაინამ ევროკავშირის ქვეყნებიდან 82 მილიარდ ევროზე მეტი დახმარება მიიღო. როგორ უჭერს მხარს ევროკავშირი უკრაინას: სანქციებიდან სამხედრო და ჰუმანიტარულ დახმარებამდე
გაეროს სპეციალური მომხსენებელი მერი ლოლერი საქართველოში ვიზიტით იმყოფება
გაეროს სპეციალური მომხსენებელი მერი ლოლერი საქართველოში იმყოფება. გაეროს ცნობით, 10-დღიანი ოფიციალური ვიზიტის დასასრულს, ადამიანის უფლებათა დამცველების მდგომარეობის საკითხებში გაეროს სპეციალური მომხსენებელი მერი ლოლერი პრესკონფერენციას გამართავს. ლოლერი საზოგადოებას მონიტორინგის ანგარიშს წარუდგენს. გაეროს სპეციალური მომხსენებელი ადამიანის უფლებადამცველთა საკითხებზე, მერი ლავლორი საქმიანობას ოფიციალურდ 2020 წლის მაისში შეუდგა.
მოლდოვამ პრორურ ოლიგარქ ილან შორთან დაკავშირებული პარტიის კანდიდატებს არჩევნებზე რეგისტრაცია გაუუქმა
მოლდოვის მთავრობამ პრორურ ოლიგარ ილან შორისთან დაკავშირებული პარტიის კანდიდატებს არჩევნებზე რეგისტრაცია გაუუქმა. ამის შესახებ მოლდოვის პრემიერ-მინისტრმა დორინ რესიანმა საგანგებო პრესკონფერენციაზე განაცხადა. „პარტია „შანსის" წარმომადგენლებს სურთ ჩვენი ქვეყნის განადგურება, დაყოფა, სეპარატიზმის გაღვივება და ქაოსსა და ძალადობაში ჩაგდება. ამიტომ, მოლდოვის მთავრობა ვალდებულია, ჩაერიოს,“ - აღნიშნა რესიენმა. „რუსეთის ფედერაცია მოლდოვაში ტანკებით ვერ შემოდის, როგორც უკრაინაში შევიდა, მაგრამ შემოდის ორგანიზებული დანაშაულით,“ - განმარტა მოლდოვის პრემიერმა. მოლდოვა პრორუსი ოლიგარქის, ილან შორის პარტიის წევრებისთვის არჩევნებში მონაწილეობის აკრძალვას გეგმავს მან კონსტიტუციური წესრიგის განადგურების მცდელობაზეც მიანიშნა და განმარტა, რომ შესაბამისი მტკიცებულებების საფუძველზე, სამართალდამცველებმა შეკრიბეს სისხლის სამართლის საქმეები, საიდანაც თითქმის 70 უკვე გაგზავნილია სასამართლოში.“ „ცენტრალური საარჩევნო კომისიის გადაწყვეტილება მიღებულია ეროვნული უსაფრთხოების მიზნითა და მოლდოვაში რუსეთის მიერ გაჩაღებული ჰიბრიდული ომის კონტექსტში: 2023 წლის 5 ნოემბრის საერთო ადგილობრივ არჩევნებზე „შანსის“ მიერ წარდგენილი კანდიდატების რეგისტრაცია გაუქმდა,” - განაცხადა რესიანმა. მოლდოვაში არჩევნები კვირას იმართება. 2 ნოემბერს, მოლდოვის პრეზიდენტმა მაია სანდუმ რუსეთი ადგილობრივ არჩევნებზე ამომრჩევლების მოსყიდვაში დაადანაშაულა.
მოლდოვაში ადგილობრივი არჩევნები ილან შორთან დაკავშირებული პრორუსული პარტიის კანდიდატების მონაწილეობის გარეშე მიმდინარეობს
მოლდოვაში 5 ნოემბერს ადგილობრივი ხელისუფლების საყოველთაო არჩევნები იმართება. კენჭისყრისას 900-მდე ქალაქების მერებისა და სოფლის ადმინისტრაციების ხელმძღვანელებს, ასევე ადგილობრივი (ქალაქის, რაიონის, სოფლის) საბჭოების 11-ათასზე მეტ დეპუტატს ირჩევენ. არჩევნებში 40-მდე პოლიტიკური პარტია და საზოგადოებრივ-პოლიტიკური მოძრაობა მიიღებს მონაწილეობას. ცნობისთვის, მოლდოვის საგანგებო სიტუაციების კომისიამ, ადგილობრივ არჩევნებამდე ორი დღით ადრე, პრორუს ოლიგარქ ილან შორთან დაკავშირებულ პარტია „შანსის“ კანდიდატებს რეგისტრაცია გაუუქმა. ამის შესახებ მოლდოვის პრემიერ-მინისტრმა განაცხადა. პარტიამ - „შანსი“ ჩაანაცვლა პარტია - “შორი“, რომელსაც არჩევნებში მონაწილეობა მანამდე აუკრძალეს. დაზვერვისა და უსაფრთხოების სამსახურის დირექტორმა კი განაცხადა, რომ პარტია ამომრჩევლების მოსყიდვას ეწევა და რუსეთიდან ფულს იღებს. ბრიფინგზე რესიანმა განაცხადა, რომ გადაწყვეტილება მიღებულია ეროვნული უსაფრთხოების შესახებ კანონის საფუძველზე და ჰიბრიდული ომის კონტექსტში, რომელსაც რუსეთი მოლდოვაში აწარმოებს. „გამოვლენილია ქმედებები საარჩევნო პროცესებზე გავლენის მოხდენის მიზნით, რათა ხელი შეუწყოს რუსეთის ფედერაციის ინტერესებს ორგანიზებული ჯგუფის მეშვეობით, რომელსაც ხელმძღვანელობს ილან შორი პოლიტიკური პარტია "შანსის" მეშვეობით,“ - განაცხადა მოლდოვის პრემიერ-მინისტრმა დორინ რესიანმა. პარტია „შანსის“ ლიდერმა ალექსეი ლუნგუმ ამ გადაწყვეტილებას მის პარტიაზე თავდასხმა უწოდა, ხოლო ილან შორმა აღნიშნა, რომ ფული მისი კანონიერი ბიზნესიდან არის მიღებული და არა რუსეთიდან. 2022 წლის ოქტომბერში აშშ-მ მოლდოველ ოლიგარქებს, ილან შორსა და ვლადიმირ პლაჰოტნიუკს სანქციები დაუწესა მოქმედებებისთვის, რომლებიც დაკავშირებულია სისტემურ კორუფციასთან, მოლდოვის არჩევნებში ჩარევასთან, რასაც კრემლი უჭერდა მხარს. აშშ-ის მასშტაბით გაიყინა მათი აქტივები. 2022 წლის დეკემბერში მოლდოველ ოლიგარქებს იმავე ტიპის სანქციები დიდმა ბრიტანეთმაც დაუწესა. მოლდოვაში პარტია „შორის“ იდეური მხარდამჭერები არიან კომუნისტები და სოციალისტები, რომლებსაც პარლამენტში 30-ზე მეტი მანდატი აქვთ. საკონსტიტუციო სასამართლომ აღნიშნული პარტია აკრძალა, მაგრამ 3 ოქტომბერს გამოაცხადა, რომ „შორის“ წევრებს შეუძლიათ, მონაწილეობა მიიღონ მომავალ თვეში დაგეგმილ ადგილობრივ არჩევნებში. მოგვიანებით, 4 ოქტომბერს პარლამენტის სპიკერმა, იგორ გროსუმ განაცხადა, რომ მოლდოვის პარლამენტი აპირებს, დაამტკიცოს ცვლილებები საარჩევნო კოდექსში, რომელიც პრორუსული პარტიის - „შორის“ წევრებს არჩევნებში მონაწილეობას აუკრძალავდა. 2 ნოემბერს, მოლდოვის პრეზიდენტმა მაია სანდუმ რუსეთი ადგილობრივ არჩევნებზე ამომრჩევლების მოსყიდვაში დაადანაშაულა. ასევე გაეცანით: მოლდოველი ოლიგარქი ილან შორი, რომლის პარტიაც სასამართლომ აკრძალა, აცხადებს, რომ ახალ პოლიტიკურ პლატფორმას ქმნის
ენტონი ბლინკენისა და თურქეთის საგარეო საქმეთა მინისტრის შეხვედრა ოფიციალური განცხადებების გარეშე დასრულდა
თურქეთის საგარეო საქმეთა მინისტრი, ჰაკან ფიდანი და აშშ-ის სახელმწიფო მდივანი ენტონი ბლინკენი ერთმანეთს ანკარაში შეხვდნენ. თურქული მედიის ცნობით, მხარეებმა ისრაელ- „ჰამასის“ ომის თემა განიხილეს. შეხვედრის შემდეგ ოფიციალური განცხადება არ გაკეთებულა, მაგრამ, წყაროების მიხედვით, ფიდანმა თავის ამერიკელ კოლეგასთან საუბრისას ხაზი გაუსვა აუცილებლობას, რომ ღაზის სექტორში ისრაელის სამიზნე მშვიდობიანი მოსახლეობა არ უნდა გახდეს. ამასთან, ფიდანი ცეცხლის დაუყოვნებლივ შეწყვეტის მოწოდებით გამოვიდა. Anadolu-ს ცნობით, ორივე მხარემ ისაუბრა ჰუმანიტარული დახმარების უწყვეტად მიწოდების საკითხზე. შეხვედრაზე ასევე ხაზი გაესვა „ორი სახელმწიფოს გადაწყვეტისთვის ერთობლივი მუშაობის მნიშვნელობას." ბლინკენმა ფიდანთან ასევე განიხილა შვედეთის განაცხადი NATO-ში გაწევრიანების შესახებ, რომელიც ჯერ კიდევ არ არის რატიფიცირებული თურქეთის მიერ, ასევე ორმხრივი და რეგიონული საკითხები. საერთო ჯამში შეხვედრა დაახლოებით 2,5 საათს გაგრძელდა. ერაყში, დაუანონსებელი ვიზიტის შემდეგ, ბლინკენი 6 ნოემბერს, დილით, თურქეთში ჩავიდა. ეს მისი ბოლო გაჩერებაა რეგიონში, აზიაში გამგზავრებამდე. ერთი დღით ადრე ბლინკენი იმყოფებოდა ისრაელსა და იორდანიაში. ის ასევე შეხვდა პალესტინის ეროვნული ხელისუფლების პრეზიდენტს მაჰმუდ აბასს.
Reuters: პუტინი ხელისუფლებაში 2024 წლის შემდეგაც დარჩება
Reuters-ის ცნობით, რუსეთის პრეზიდენტმა, ვლადიმერ პუტინმა გადაწყვიტა, მონაწილეობა მიიღოს მარტის საპრეზიდენტო არჩევნებში, რას მას საშუალებას მისცემს, ხელისუფლებაში სულ მცირე 2030 წლამდე დარჩეს. პუტინი 7 ოქტომბერს 71 წლის გახდა. წყაროებმა, რომლებიც Reuters-ს ანონიმურობის პირობით ესაუბრნენ, განაცხადეს, რომ საარჩევნო კამპანიისთვის მზადება მიმდინარეობს. „პუტინისთვის, რომელიც რუსეთში 80%-იანი მოწონების რეიტინგით სარგებლობს, არჩევნები ფორმალობაა, თუ ის იყრის კენჭს: სახელმწიფოს, სახელმწიფო მედიის მხარდაჭერითა და თითქმის ყოველგვარი ძირითადი საზოგადოებრივი განსხვავებული აზრის გარეშე, აუცილებლად გაიმარჯვებს,“ წერს Reuters-ი. კრემლის სპიკერმა დიმიტრი პესკოვმა კომენტარის გაკეთებაზე უარი თქვა. პესკოვმა სექტემბერში განაცხადა, რომ თუ პუტინი გადაწყვეტდა კენჭისყრას, მაშინ მას ვერავინ გაუწევდა კონკურენციას. „უკრაინის ომმა, 1962 წლის კუბის სარაკეტო კრიზისის შემდეგ, დასავლეთთან ყველაზე დიდი დაპირისპირება გამოიწვია. დასავლეთის სანქციებმა რუსეთის ეკონომიკაზე ბოლო ათწლეულების განმავლობაში უდიდესი გარე შოკი მოახდინა, ივნისში პუტინი „ვაგნერის“ წარუმატებელი ამბოხის წინაშე აღმოჩნდა. პრიგოჟინი ავიაკატასტროფაში აჯანყებიდან ორი თვის შემდეგ დაიღუპა. დასავლეთი პუტინს ომის დამნაშავედ და დიქტატორად მიიჩნევს,“ - წერს Reuters-ი.
CIA-ის დირექტორი ისრაელში ჩავიდა
CIA-ს დირექტორი უილიამ ბერნსი დაზვერვის მაღალჩინოსნებთან ერთად, ისრაელში ჩავიდა. ინფორმაციას The Washington Post-ი აქვეყნებს. აშშ-ის ცენტრალური სადაზვერვო სააგენტოს (CIA-ს) დირექტორს ახლო აღმოსავლეთის ქვეყნებში მოლაპარაკებების აქვს დაგეგმილი. ბერნსი ღაზის სექტორში მიმდინარე ომის თემას, „ჰამასის“ მიერ აყვანილი მძევლების გათავისუფლებასა და ისრაელ - “ჰამასის“ ომის ფართო რეგიონულ კონფლიქტში გადაზრდის თავიდან აცილების საკითხებს განიხილავს. ცნობისთვის, ჯო ბაიდენის ადმინისტრაცია, ახლო აღმოსავლეთის რეგიონში მოკავშირეების მეშვეობით, ირანსა და “ჰამასს“ გაფრთხილების სიგნალს უგზავნის, რომ ისრაელზე თავდასხმის შემთხვევაში, აშშ სამხედრო პასუხისთვის მზად იქნება. საგულისხმოა, რომ ბოლო პერიოდში ერაყსა და სირიაში აშშ-ის ბაზებზე შეტევები გახშირდა.
ზელენსკი: არ ვართ მზად, ჩვენი თავისუფლება ტერორისტ პუტინს დავუთმოთ
უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინელები არ აპირებენ, მათი თავისუფლება ტერორისტ ვლადიმირ პუტინს დაუთმონ. „მე დიდი ძალა მაქვს. მაგრამ, როცა თავს ძლიერად მივიჩნევთ და დიდი ენერგია გვაქვს, ეს მაინც არ ნიშნავს, რომ გვსურს, ვიომოთ მთელი ცხოვრება, რადგან ეს ძვირად გვიჯდება იმიტომ, რომ ომი გვართმევს ჩვენს შორის საუკეთესოებს, საუკეთესო გმირებს, საუკეთესო კაცებს, ქალებს და ბავშვებს. მაგრამ ჩვენ არ ვართ მზად, ჩვენი თავისუფლება ტერორისტ პუტინს დავუთმოთ. აი, ამიტომ ვიბრძვით,“ განაცხადა ზელენსკიმ ამერიკული ტელეარხის ეთერში, რითაც უპასუხა შეკითხვას - “რა გიბიძგებთ წინსვლისკენ, ოდესმე თავი დამარცხებულად გიგრძვნიათ?“ მანამდე, ზელენსკიმ უარყო, რომ უკრაინის პარტნიორები მასზე ზეწოლას ახდენდნენ რუსეთთან მოლაპარაკების მიზნით. ზელენსკიმ განმარტა, რომ უკრაინა რუსეთთან მოლაპარაკებას არ აპირებს. ამის შესახებ მან ევროკომისიის პრეზიდენტ ურსულა ფონ დერ ლაიენთან ერთად გამართულ პრესკონფერენციაზე განაცხადა. „ყველამ იცის ჩემი პოზიცია, რომელიც იგივეა, რაც უკრაინელი ხალხის პოზიცია. ახლა ჩემზე ზეწოლას არავინ ახორციელებს. ეს ხდებოდა ომამდე და ომის დასაწყისში. რუსეთთან დასხდომა და მასთან ლაპარაკი, დათმობებზე წასვლა - ეს არ მოხდება," - განაცხადა ზელენსკიმ, რითაც გამოეხმაურა NBC-ის ინფორმაციას, რომლის თანახმად, ამერიკელმა და ევროპელმა ოფიციალურმა პირებმა უკრაინასთან განხილვები დაიწყეს, რათა რუსეთთან მოლაპარაკებებზე დაითანხმონ. ზელენსკი ასევე გამოეხმაურა ფრონტზე ჩიხის შესახებ ზალუჟნის შეფასებას. „ეს არ არის ჩიხი. რუსეთი ცას აკონტროლებს. ჩვენ ჩვენს ჯარებს ვიცავთ. არავის [უკრაინაში] არ სურს ჩვენი ხალხი უბრალოდ ჩააგდოს [ბრძოლაში], როგორც ამას რუსეთი აკეთებს," - განაცხადა ზელენსკიმ. მისივე თქმით, კიევი ცაში რუსების უპირატესობას მას შემდეგ დაძლევს, რაც უკრაინელი პილოტები F-16-ებზე წვრთნებს დაასრულებენ. The Economist-თან ინტერვიუში უკრაინის შეიარაღებული ძალების მთავარსარდალმა განაცხადა, რომ რუსეთ-უკრაინის ომი ჩიხში შევიდა, ხოლო უკრაინული კონტრშეტევა შესაძლოა, პოზიციურ ომად შეიცვალოს და წლები გაგრძელდეს. ეს მოსაზრება ვაშინგტონში შეაფასეს. „უკრაინის ლიდერების უფლებაა, ისაუბრონ თავიანთ პროგრესზე ან მის ნაკლებობაზე. ეს ნამდვილად მათი საქმეა. ვფიქრობ, ეს ხაზს უსვამს იმას, თუ რამდენად მნიშვნელოვანია, რომ ჩვენ უკრაინის მხარდაჭერა გავაგრძელოთ. მე ახლა ვერ ვისაუბრებ ახალ შესაძლებლობებზე, თუმცა რაც შემიძლია, გითხრათ, ისაა, რომ ომის განვითარების შესაბამისად მოვამარაგეთ უკრაინა და ეს პროცესი გაგრძელდება,“ - უპასუხა ჯონ კირბიმ მედიას. ზალუჟნი რუსეთთან ხანგრძლივი პოზიციური ომის თავიდან ასაცილებლად, 5 ამოცანას ასახელებს
ჯეიჰუნ ბაირამოვმა ანალენა ბერბოკი „აზერბაიჯანული დასახლებების სომხური სახელებით მოხსენიებაში“ დაადანაშაულა
აზერბაიჯანის საგარეო საქმეთა მინისტრმა, ჯეიჰუნ ბაირამოვმა გერმანელი კოლეგა ანალენა ბერბოკი, ბაქოში გამართულ ერთობლივ პრესკონფერენციაზე აზერბაიჯანული დასახლებების სომხური სახელებით მოხსენიებაში დაადანაშაულა. „აუცილებელია საერთაშორისო სამართლის ნორმების დაცვა სუვერენული სახელმწიფოების ქალაქების სახელებთან დაკავშირებით. გერმანია აცხადებს, რომ მხარს უჭერს აზერბაიჯანის სუვერენიტეტს, მაგრამ ქალაქ შუშასა და ხანქენდზე საუბრისას რატომღაც სომხურ სახელებს იყენებს,“ - განაცხადა ბაირამოვმა. აზერბაიჯანში ვიზიტის დროს გერმანიის საგარეო საქმეთა მინისტრი, ანალენა ბერბოკი, ქვეყნის სამოქალაქო საზოგადოების წარმომადგენლებს შეხვდა, მაგრამ მოგვიანებით, ადგილობრივ ტელევიზიასთან ინტერვიუში, მან ეს ღონისძიება, ყარაბაღის პირველი ომის დროს სომხეთიდან დევნილებთან შეხვდრად აღწერა. „დასავლეთ აზერბაიჯანის საზოგადოებამ“ (საზოგადოებრივი ორგანიზაცია, რომელიც აერთიანებს აზერბაიჯანელ ლტოლვილებს) ბერბოკი სიცრუეში“ დაადანაშაულა. ცნობისთვის, 8 ნოემბრის „გამარჯვების დღის აღლუმის წინ“, ხანქენდში აზერბაიჯანის არმიის სამხედრო ტექნიკაა მობილიზებული. აზერბაიჯანის პრეზიდენტმა, ილჰამ ალიევმა თავისი ქვეყნის დროშა 15 ოქტომბერს აღმართა მთიანი ყარაბაღის მთავარ ქალაქში, რომელსაც აზერბაიჯანელები ხანქენდს უწოდებენ, ხოლო ეთნიკური სომხები - სტეფანაკერტს.
მოლდოვის ადგილობრივ არჩევნებში, კიშინიოვსა და სიდიდით მეორე ქალაქში სანდუს პარტიის კანდიდატები მარცხდებიან
მოლდოვაში ჩატარებულ ადგილობრივ არჩევნებში პრეზიდენტ მაია სანდუს პარტიის კანდიდატები დამარცხდნენ დედაქალაქ კიშინიოვსა და სიდიდით მეორე ქალაქ ბელციში. წინასწარი შედეგებით, კიშინიოვში პირველივე ტურში იმარჯვებს მოქმედი მერი, კომუნისტური და სოციალისტური პარტიების ყოფილი წევრი იონ ჩებანი, რომელმაც 2021 წელს შექმნა ევროპული ინტეგრაციის მხარდამჭერი ოპოზიციური პარტია „მოძრაობა ნაციონალური ალტერნატივა“(MAN). წინასწარი შედეგების მიხედვით, ოლქების ნაწილში მეორე ტური ჩატარდება. დედაქალაქ კიშინიოვში იმარჯვებს მოქმედი მერი, კომუნისტური და სოციალისტური პარტიების ყოფილი წევრი იონ ჩებანი. წინასწარი შედეგებით, მას ხმების 50,58% აქვს. 28,27%-ით მეორე ადგილზეა პრეზიდენტ მაია სანდუს პროევროპული პარტიის, „მოქმედება და სოლიდარობის“(PAS) კანდიდატი ლილიან კარპი. პირველივე ტურში გასამარჯვებლად კანდიდატმა ხმების 50%-ზე მეტი უნდა მიიღოს. მმართველი პარტიის კანდიდატი სამეულშიც ვერ მოხვდა მოლდოვის სიდიდით მეორე ქალაქ ბელციში, სადაც წინასწარი შედეგების მიხედვით, მერის ასარჩევად მეორე ტური ჩატარდება და მასში მონაწილეობას მიიღებენ ოპოზიციური მემარცხენე-ცენტრისტული გაერთიანების, „ჩვენი პარტიის“ კანდიდატი ალექსანდრ პეტკოვი (22,6%) და დამოუკიდებელი კანდიდატი არინა კორშიკოვა(21,5%). მოლდოვაში ქალაქების და სოფლების ადმინისტრაციების 898 ხელმძღვანელს და ადგილობრივი საბჭოების 11 058 წევრს ირჩევენ. ამომრჩეველთა აქტივობა 41,4% იყო. ზოგიერთ დასახლებულ პუნქტში, სადაც კენჭისყრაში ადგილობრივი ამომრჩევლების 25%-ზე ნაკლები მონაწილეობდა, ხელახალი არჩევნები ჩატარდება. მოლდოვის კანონმდებლობით, კონკრეტულ ოლქში არჩევნები ჩატარებულად ითვლება, თუ მასში რეგისტრირებული ამომრჩევლების სულ მცირე 25% მონაწილეობდა.
ჰამბურგის აეროპორტში ინციდენტი ეჭვმიტანილის დაკავებით დასრულდა
ჰამბურგის აეროპორტის ინციდენტი დასრულდა. შესაბამის ინფორმაციას BBC ავრცელებს. პოლიციის თქმით, კაცი, რომელიც აეროპორტში მანქანით, შვილთან ერთად შეიჭრა, დაკავებულია. ის პოლიციას ჩაბარდა. ტერიტორიიდან ბავშვიც უვნებლად გამოიყვანეს. ინციდენტმა აეროპორტში ფრენების შეფერხება გამოიწვია. აეროპორტში განაცხადეს, რომ კვირას დაგეგმილი იყო 286 ფრენა დაახლოებით 34 500 მგზავრით. მანქანა 35 წლის კაცთან და 4 წლის ბავშვთან ერთად, თვითმფრინავის ქვეშ იყო გაჩერებული, განაცხადა პოლიციის წარმომადგენელმა Reuters-ის ცნობით. ადგილობრივი მედია იტყობინება, რომ კაცთან მოლაპარაკებები თარჯიმნის მეშვეობით, თურქულ ენაზე მიმდინარეობდა, თუმცა უცნობია, რა კავშირი აქვს მას ამ ქვეყანასთან. გავრცელებული ინფორმაციით, ინციდენტი სავარაუდოდ, სამეურვეო დავას უკავშირდება. ვრცელდებოდა ინფორმაცია, რომ კაცმა ჰაერში ორჯერ გაისროლა. ინციდენტის დროს არავინ დაშავებულა. ჰამბურგის აეროპორტი კვლავ დახურულია
Bloomberg: აშშ და ისრაელი ღაზის სექტორის მომავლის სამ სცენარს განიხილავენ
აშშ და ისრაელი ღაზის სექტორის მომავლის რამდენიმე ვარიანტს იკვლევენ. ამის შესახებ Bloomberg-ი წყაროებზე დაყრდნობით წერს. ერთ-ერთი ვარიანტი, რომელიც განიხილება, მოიცავს მრავალეროვნული ძალების შექმნის შესაძლებლობას, რომელიც ასევე შეიძლება, ამერიკულ ჯარებს შეიცავდეს. სააგენტოს ცნობით, პირველი სცენარი გულისხმობს ღაზას სექტორზე დროებითი კონტროლის გადაცემა რეგიონის ქვეყნებისთვის, შეერთებული შტატების, დიდი ბრიტანეთის, გერმანიისა და საფრანგეთის ჯარების მხარდაჭერით. “ასევე სასურველია ისეთი არაბული ქვეყნების ჩართულობა როგორიცაა, საუდის არაბეთი ან არაბეთის გაერთიანებული საამიროები,“ აღნიშნავენ Bloomberg-ის თანამოსაუბრეები. მეორე ვარიანტი არის მრავალეროვნული ძალებისა და დამკვირვებლების მსგავსი სამშვიდობო ძალების შექმნა სინაის ნახევარკუნძულზე, რომელიც აღასრულებს 1979 წელს ისრაელ-ეგვიპტის სამშვიდობო ხელშეკრულებას. ერთ-ერთი წყაროს მიხედვით, ისრაელი, მიიჩნევს, რომ იდეა განხილვას იმსახურებს. მესამე ვარიანტი გაეროს ეგიდით ღაზის სექტორში დროებითი მთავრობის შექმნას გულისხმობს. ასეთი სცენარს უპირატესობას გაეროს ლეგიტიმურობა ანიჭებს, მაგრამ ისრაელი ამას შეუსაბამოდ მიიჩნევს, რადგან თვლის, რომ ორგანიზაციის საქმიანობას “სარგებელი ნაკლებად მოაქვს.“ თანამოსაუბრეებმა ხაზგასმით აღნიშნეს, რომ მოლაპარაკებები ჯერ კიდევ ადრეულ ეტაპზეა და ბევრი რამ შეიძლება, შეიცვალოს. ცნობისთვის, აშშ-ის სახელმწიფო მდივნის, ენტონი ბლინკენის შეფასებით, ყველაზე გონივრული იქნება, თუ ღაზის სექტორის მმართველობას და მის უსაფრთხოებაზე პასუხისმგებლობას, საბოლოო ჯამში, პალესტინის ხელისუფლება აიღებს. სახელმწიფო მდივანმა აღნიშნა, არ შეიძლება, სტატუს კვოს დაბრუნება „ჰამასის“ მმართველობასთან მიმართებით. ისრაელელი მაღალჩინოსნები კი აცხადებენ, რომ მათი მიზანი „ჰამასის“ ლიკვიდაციაა. „ისრაელელები თავად იწყებენ ამ წინადადებით, რომ ისრაელის განზრახვა არ არის ღაზის სექტორის კონტროლი. ეს არ შედის მათ ინტერესში და ეს არ არის ისეთი რამ, რასაც ექნება მხარდაჭერა,“ – აღნიშნა ბლინკენმა აშშ-ის სენატში, ასიგნებების კომიტეტზე მოსმენისას. შეგახსენებთ, 7 ოქტომბერს, „ჰამასმა“, რომელსაც დასავლეთი ტერორისტულ დაჯგუფებად აღიარებს, ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყვეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“, "ჰამასი" უპრეცედენტო ფასსს გადაიხდის და ისრაელი გაიმარჯვებს. ისრაელმა ოფიციალურად 8 ოქტომბერს გამოაცხადა საომარი მდგომარეობა და მოახდინა 300 000 რეზერვისტის მობილიზება ტერორისტულ თავდასხმასა და „ჰამასის“ შეჭრაზე საპასუხოდ. 9 ოქტომბერს ისრაელის თავდაცვის მინისტრმა, იოავ გალანტმა გამოსცა ბრძანება ღაზის სექტორის სრული ბლოკადის შესახებ, რაც ნიშნავს, რომ მას აღარ მიეწოდება ელექტროენერგია, საწვავი და სურსათი. ისრაელზე თავდასხმები აშშ-მ, ევროკავშირმა, უკრაინამ და სხვა რიგმა ქვეყნებმა დაგმეს. აშშ-მ ისრაელს სამხედრო დახმარება გაუგზავნა. პირველი ტვირთი ისრაელმა 11 ოქოტომბერს მიიღო. 12 ოქტომბერს ენტონი ბლინკენი ისრაელში ჩავიდა. 13 ოქტომბერს კი, ისრაელს აშშ-ის თავდაცვის მდივანი ლოიდ ოსტინი ეწვია. პენტაგონის 14 ოქტომბრის განცხადებით, ისრაელის წინააღმდეგ მტრული ქმედებებისა და ომის გაფართოების მცდელობების შესაკავებლად, აშშ რეგიონში მეორე ავიამზიდის მოიერიშე ჯგუფს გზავნის. 18 ოქტომბერს ისრაელში აშშ-ის პრეზიდენტი ჯო ბაიდენი ჩავიდა. ისრაელ-“ჰამასის“ ომის დაწყების შემდეგ, 21 ოქტომბერს, ღაზის სექტორში ეგვიპტის გავლით პირველი ჰუმანიტარული დახმარება შევიდა. რაფაჰის გამშვები პუნქტი დროებით გაიხსნა.
აღმოსავლეთ პარტნიორობის საკითხებში ევროკავშირისა და წევრი ქვეყნების საგანგებო დავალებათა ელჩები საქართველოს ეწვევიან
6-8 ნოემბერს, საქართველოში აღმოსავლეთ პარტნიორობის საკითხებში ევროკავშირისა და წევრი ქვეყნების, მათ შორის, ესპანეთის, როგორც ევროკავშირის საბჭოს ამჟამინდელი თავმჯდომარე ქვეყნის, საგანგებო დავალებათა ელჩების დელეგაციის ვიზიტი იმართება. ინფორმაციას საგარეო საქმეთა სამინისტრო ავრცელებს. დელეგაციას საგარეო უწყების ხელმძღვანელი, ილია დარჩიაშვილი სამუშაო ლანჩის ფორმატში შეხვდება. ვიზიტის ფარგლებში, დელეგაციასთან შეხვედრას გამართავს საქართველოს პრემიერ-მინისტრი, ირაკლი ღარიბაშვილი და საქართველოს მთავრობის წარმომადგენლები. ვიზიტის ფარგლებში, ელჩები ეწვევიან საოკუპაციო ხაზს და ადგილზე გაეცნობიან უსაფრთხოების კუთხით არსებულ ვითარებას. „აღნიშნული ვიზიტი საქართველოს ევროკავშირში გაწევრიანების პროცესის უმნიშვნელოვანეს ეტაპზე ხორციელდება, რამდენადაც წინ უსწრებს ევროკომისიის მიერ ე.წ. „გაფართოების პაკეტის“ გამოქვეყნებას. ამ ფონზე, ევროკავშირის 20-მდე წევრი ქვეყნის წარმომადგენლობითი დელეგაციის ვიზიტი განსაკუთრებული დატვირთვის მატარებელია და ქვეყნისთვის ასეთ მნიშვნელოვან პერიოდში ევროკავშირის მხრიდან მხარდაჭერის კიდევ ერთ ნათელ მაგალითს წარმოადგენს. აღმოსავლეთ პარტნიორობის საკითხებში ევროკავშირისა და წევრი ქვეყნების საგანგებო დავალებათა ელჩებს ვიზიტის ფარგლებში საშუალება ექნებათ, ადგილზე გაეცნონ ქვეყანაში განხორციელებულ თუ მიმდინარე რეფორმებსა და ამ მხრივ უკვე არსებულ მნიშვნელოვან შედეგებს,“ - ნათქვამია უწყების მიერ გავრცელებულ ინფორმაციაში.
გაერო: ღაზის სექტორში გაეროს 88 თანამშრომელი დაიღუპა
გაეროს ჰუმანიტარული, ჯანდაცვის და ადამიანის უფლებათა დამცველი გაერთიანებების ერთობლივი განცხადებით, ღაზის სექტორში 7 ოქტომბრის შემდეგ გაეროს პალესტინელი ლტოლვილების დახმარების სააგენტოს 88 თანამშრომელი დაიღუპა, რაც ერთი კონფლიქტის დროს დაფიქსირებული ყველაზე დიდი დანაკარგია. განცხადების ხელმომწერები ისრაელ-ჰამასის კონფლიქტში ცეცხლის შეწყვეტისა და მძევლების დაუყოვნებლივ გათავისუფლების მოწოდებით გამოდიან. „ვიმეორებთ ჩვენს თხოვნას, რომ მხარეებმა პატივი სცენ საერთაშორისო ჰუმანიტარული და ადამიანის უფლებების შესახებ კანონმდებლობით გათვალისწინებულ ყველა ვალდებულებას. ვიმეორებთ ჩვენს მოწოდებას მძევლად მყოფი ყველა მშვიდობიანი მოქალაქის დაუყოვნებლივ და უპირობო გათავისუფლების შესახებ. მშვიდობიანი მოსახლეობა და სამოქალაქო ინფრასტრუქტურა, მათ შორის საავადმყოფოები, თავშესაფრები და სკოლები, დაცული უნდა იყოს. გვჭირდება ჰუმანიტარული მიზნით ცეცხლის დაუყოვნებლივ შეწყვეტა. გავიდა 30 დღე. ყველაფერს საზღვარი აქვს. ეს ახლავე უნდა შეწყდეს,“ - აღნიშნულია განცხადებაში. დოკუმენტს ხელს აწერენ: გაეროს გენერალური მდივნის მოადგილე ჰუმანიტარულ საკითხებში, მარტინ გრიფიტსი, ჯანდაცვის მსოფლიო ორგანიზაციის ხელმძღვანელი, ტედროს ადანომ გებრეისუსი, გაეროს ბავშვთა ფონდის აღმასრულებელმა დირექტორი კეტრინ რასელი და სხვები.
აშშ-ის მართვადი სარაკეტო წყალქვეშა ნავი ახლო აღმოსავლეთში ჩავიდა
აშშ-ის ცენტრალური სარდლობის განცხადებით, ახლო აღმოსავლეთში მართვადი სარაკეტო წყალქვეშა ნავი განთავსდა. CNN ცენტრალური სარდლობის ცნობაზე დაყრდნობით წერს, რომ ოჰაიოს კლასის წყალქვეშა ნავი პასუხისმგებლობის ზონაში შევიდა. ამერიკული ტელეარხის ცნობით, შეერთებული შტატები იშვიათად აკეთებს განცხადებას ბალისტიკური და მართვადი სარაკეტო წყალქვეშა ნავების მოძრაობასა თუ ოპერაციებზე. ეს შემთხვევა კი, რეგიონში ირანისა და მისი მარიონეტების მიმართ, შეკავების მკაფიო გზავნილია. აშშ-ის ცენტრალური სარდლობის ცნობით, ახლო აღმოსავლეთში ავიამზიდის დამრყტმელი ჯგუფიც ჩავიდა. შეგახსენებთ, 7 ოქტომბერს, „ჰამასმა“, რომელსაც დასავლეთი ტერორისტულ დაჯგუფებად აღიარებს, ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყვეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“, "ჰამასი" უპრეცედენტო ფასსს გადაიხდის და ისრაელი გაიმარჯვებს. ისრაელმა ოფიციალურად 8 ოქტომბერს გამოაცხადა საომარი მდგომარეობა და მოახდინა 300 000 რეზერვისტის მობილიზება ტერორისტულ თავდასხმასა და „ჰამასის“ შეჭრაზე საპასუხოდ. 9 ოქტომბერს ისრაელის თავდაცვის მინისტრმა, იოავ გალანტმა გამოსცა ბრძანება ღაზის სექტორის სრული ბლოკადის შესახებ, რაც ნიშნავს, რომ მას აღარ მიეწოდება ელექტროენერგია, საწვავი და სურსათი. ისრაელზე თავდასხმები აშშ-მ, ევროკავშირმა, უკრაინამ და სხვა რიგმა ქვეყნებმა დაგმეს. აშშ-მ ისრაელს სამხედრო დახმარება გაუგზავნა. პირველი ტვირთი ისრაელმა 11 ოქოტომბერს მიიღო. 12 ოქტომბერს ენტონი ბლინკენი ისრაელში ჩავიდა. 13 ოქტომბერს კი, ისრაელს აშშ-ის თავდაცვის მდივანი ლოიდ ოსტინი ეწვია. პენტაგონის 14 ოქტომბრის განცხადებით, ისრაელის წინააღმდეგ მტრული ქმედებებისა და ომის გაფართოების მცდელობების შესაკავებლად, აშშ რეგიონში მეორე ავიამზიდის მოიერიშე ჯგუფს გზავნის. 18 ოქტომბერს ისრაელში აშშ-ის პრეზიდენტი ჯო ბაიდენი ჩავიდა. ისრაელ-“ჰამასის“ ომის დაწყების შემდეგ, 21 ოქტომბერს, ღაზის სექტორში ეგვიპტის გავლით პირველი ჰუმანიტარული დახმარება შევიდა. რაფაჰის გამშვები პუნქტი დროებით გაიხსნა.
თურქეთში დემონსტრანტებმა ინჯირლიკის ავიაბაზაზე შეჭრა სცადეს
თურქეთის პოლიციამ, ქალაქ ადანის მახლობლად, საპროტესტო აქციის მონაწილეების წინააღმდეგ, რომლებიც ინჯირლიკის ავიაბაზის ტერიტორიაზე შეჭრას ცდილობდნენ, ცრემლმდენი გაზი გამოიყენა. თურქული ტელეარხი NTV იუწყება, რომ ჯგუფმა, რომელიც ღაზის სექტორში ისრაელისა და აშშ-ის მოქმედებების წინააღმდეგ გამოდის, ავიაბაზის დახურვა მოითხოვა. წყაროს ცნობით, აქციის ზოგიერთი მონაწილე ადანაში სტამბოლიდან ჩავიდა, მათ სხვა ქალაქებიდანაც შეუერთდნენ. ინჯირლიკის ავიაბაზა, რომელსაც საერთაშორისო კოალიცია „ისლამური სახელმწიფოს“ წინააღმდეგ ბრძოლისთვის იყენებს, ასევე მოიცავს აშშ-ის ძალებს. ცნობისთვის, თურქეთის პრეზიდენტი, რეჯეფ თაიფ ერდოღანი ისრაელს ომის დანაშაულში ადანაშაულებს. 4 ნოემბერს ანკარამ ისრაელიდან ელჩი კონსულტაციებისთვის გაიწვია. შეგახსენებთ, 7 ოქტომბერს, „ჰამასმა“, რომელსაც დასავლეთი ტერორისტულ დაჯგუფებად აღიარებს, ისრაელზე ყველაზე მასშტაბური თავდასხმა განახორციელა. ისრაელმა ღაზაზე საპასუხო იერიში დაიწყო. ორივე მხარე ასობით დაშავებულისა და დაღუპულის შესახებ იუწყება. ისრაელის თავდაცცვის ძალების ცნობით, „ჰამასმა" აიყვანა მძევლები და სამხედრო ტყვეები. ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელი “ომშია“, "ჰამასი" უპრეცედენტო ფასსს გადაიხდის და ისრაელი გაიმარჯვებს. ისრაელმა ოფიციალურად 8 ოქტომბერს გამოაცხადა საომარი მდგომარეობა და მოახდინა 300 000 რეზერვისტის მობილიზება ტერორისტულ თავდასხმასა და „ჰამასის“ შეჭრაზე საპასუხოდ. 9 ოქტომბერს ისრაელის თავდაცვის მინისტრმა, იოავ გალანტმა გამოსცა ბრძანება ღაზის სექტორის სრული ბლოკადის შესახებ, რაც ნიშნავს, რომ მას აღარ მიეწოდება ელექტროენერგია, საწვავი და სურსათი. ისრაელზე თავდასხმები აშშ-მ, ევროკავშირმა, უკრაინამ და სხვა რიგმა ქვეყნებმა დაგმეს. აშშ-მ ისრაელს სამხედრო დახმარება გაუგზავნა. პირველი ტვირთი ისრაელმა 11 ოქოტომბერს მიიღო. 12 ოქტომბერს ენტონი ბლინკენი ისრაელში ჩავიდა. 13 ოქტომბერს კი, ისრაელს აშშ-ის თავდაცვის მდივანი ლოიდ ოსტინი ეწვია. პენტაგონის 14 ოქტომბრის განცხადებით, ისრაელის წინააღმდეგ მტრული ქმედებებისა და ომის გაფართოების მცდელობების შესაკავებლად, აშშ რეგიონში მეორე ავიამზიდის მოიერიშე ჯგუფს გზავნის. 18 ოქტომბერს ისრაელში აშშ-ის პრეზიდენტი ჯო ბაიდენი ჩავიდა. ისრაელ-“ჰამასის“ ომის დაწყების შემდეგ, 21 ოქტომბერს, ღაზის სექტორში ეგვიპტის გავლით პირველი ჰუმანიტარული დახმარება შევიდა. რაფაჰის გამშვები პუნქტი დროებით გაიხსნა. ცნობისთვის, ღაზის სექტორის სამოქალაქო მოსახლეობაში დიდი მსხვერპლის და უმძიმესი ჰუმანიტარული კრიზისის გამო, გაერო ისრაელს საერთაშორისო სამართლის დარღვევაში ადანაშაულებს. თავის მხრივ, ისრაელის მთავრობა აცხადებს, რომ მისი „სამიზნე მხოლოდ „ჰამასია“, რომელიც მოსახლეობას ფარად იყენებს.“
უკრაინაში, 128-ე ბრიგადის სამხედროების დაღუპვასთან დაკავშირებით გამოძიება დაიწყო
128-ე ბრიგადის სამხედროების დაღუპვის საქმეზე უკრაინამ გამოძიება დაიწყო. ამის შესახებ პრეზიდენტმა ვოლოდიმირ ზელენსკიმ განაცხადა. ზელენსკიმ აღნიშნა, რომ ამ ტრაგედის თავიდან აცილება შეიძლებოდა. დასავლეთ უკრაინაში, ზაპოროჟიეს ოლქში, დაჯილდოების ცერემონიის დროს, 20-ზე მეტი ჯარისკაცი დაიღუპა, თუმცა მათი ზუსტი რაოდენობა ამჟამად არ არის დადასტურებული. „თავდაცვის მინისტრმა (რუსტემ) უმეროვმა მითხრა იმ ზომების შესახებ, რომლებიც მიღებულია ყველა იმ გარემოების გასარკვევად, რაც მოხდა, კონკრეტულად, ვინ რა ბრძანებები გასცა,“ - განაცხადა ზელენსკიმ. მან პირობა დადო, რომ შეიარაღებულ ძალებში ცვლილებებს განახორციელებს დაუდევრობის, საბჭოთა კავშირის ეპოქის პრაქტიკის და ბიუროკრატიის მოსაგვარებლად. ზელენსკიმ ასევე ხაზი გაუსვა ეროვნული ერთიანობის შენარჩუნების მნიშვნელობას რუსეთის წინააღმდეგ გამარჯვების მისაღწევად. უკრაინული მედიის ცნობით, რუსეთის ძალებმა სამხედროების დაჯილდოების დროს თავდასხმა განახორციელეს.
უკრაინა წინსვლისთვის ახალ სამხედრო სტრატეგიას განიხილავს
უკრაინა განიხილავს თავის სამხედრო სტრატეგიის შეცვლას, რომ "უფრო სწრაფად წავიდეს წინ." უკრაინული მედიის ცნობით, ამის შესახებ უკრაინის პრეზიდენტმა NBC News– ს განუცხადა. ამავე ინტერვიუში ზელენსკიმ აღნიშნა, რომ ფრონტზე ჩიხური ვითარება არ შექმნილა. უკრაინის პრეზიდენტის თქმით, უკრაინის შეტევა ნელია იმის გამო, რომ „რუსეთი აკონტროლებს ცას.“ ზელენსკი: რუსეთთან მოლაპარაკებების გამართვის მიზნით, ჩემზე ზეწოლას არავინ ცდილობს ზელენსკის თქმით, წარმატებული შეტევითი ოპერაციებისთვის საჭიროა დამატებითი საჰაერო თავდაცვის სისტემები, ასევე F-16 გამანადგურებლები. უკრაინის პრეზიდენტმა გაიხსენა, რომ ფრონტი შარშანაც სტატიკური იყო, მაგრამ შემდეგ უკრაინელმა სამხედროებმა ხარკოვის რეგიონში გარღვევა მოახდინეს. ზელენსკის თქმით, ფრონტზე ვითარება ჩიხში არ შესულა: უკრაინა რუსეთთან მოლაპარაკებას და დათმობებს არ აპირებს
რომის პაპი: ღვთის სახელით, გთხოვთ, შეწყვიტეთ იარაღის გამოყენება
რომის პაპმა ფრანცისკემ ისრაელ-ჰამასის კონფლიქტზე საუბრისას მხარეებს ცეცხლის შეწყვეტისკენ კიდევ ერთხელ მოუწოდა. „ვაგრძელებ ფიქრს პალესტინასა და ისრაელში არსებულ სერიოზულ ვითარებაზე, სადაც ძალიან ბევრი ადამიანი დაიღუპა. ღვთის სახელით, გთხოვთ, შეწყვიტოთ: შეწყვიტეთ იარაღის გამოყენება!” - აღნიშნა რომის პაპმა. მას იმედი აქვს, რომ კონფლიქტის ესკალაციის თავიდან აცილება მოხდეს.
