თეგი: მზის დაბნელება
2023 წლის პირველი მზის დაბნელება
მზის ჰიბრიდული დაბნელება 2023 წლის 20 აპრილს მოხდება. მზის დაბნელება გრძელდება 3 საათი 19 წუთი 40 წამი. დაბნელება შეინიშნება სამხრეთ-აღმოსავლეთ აზიაში, ავსტრალიაში, წყნარ ოკეანეში, ინდოეთის ოკეანეში და ანტარქტიდაზე. 2023 წლის მეორე მზის დაბნელება 14 ოქტომბერს მოხდება. მზის დაბნელება მაშინ ხდება, როდესაც მთვარე დედამიწასა და მზეს შორის გაივლის. ამ დროს, მთვარე მზის სინათლეს თანდათან ბლოკავს.
მზის სრული დაბნელების ნახვა დღეს 31,5 მილიონ ადამიანს შეუძლია
ჩრდილოეთ ამერიკის კონტინენტის ნაწილში მზე სრულად დაბნელდა. როგორც СNN წერს, მზის დაბნელება მალე ხილვადი იქნება აშშ-მექსიკის საზღვრის გასწვრივ მდებარე ზოგიერთ ქალაქში. NASA-ს ცნობით, ეს მოვლენა იშვიათია, რადგან ის მოიცავს რამდენიმე მჭიდროდ დასახლებულ ქალაქს, სადაც 31,5 მილიონ ადამიანს შეეძლო მზის სრული დაბნელების ნახვა. ჩრდილოეთ ამერიკის კონტინენტის ნაწილში მზის სრული დაბნელება მოხდა. მზის დისკო მთვარემ 4 წუთისა და 48 წამის განმავლობაში სრულად გადაფარა. მსგავსი მოვლენა კონტინენტზე 2044 წლამდე აღარ განმეორდება. დაბნელებას მზის, მთვარისა და დედამიწის კოსმოსური განლაგება იწვევს.
12 აგვისტოს მზის სრული დაბნელება ევროპის ნაწილში ათწლეულების შემდეგ პირველად გამოჩნდება
12 აგვისტოს ევროპის რამდენიმე ქვეყანაში სრული მზის დაბნელების ხილვა ათწლეულების შემდეგ პირველად იქნება შესაძლებელი. კერძდოდ, ესპანეთის მატერიკული ნაწილი 100 წელზე მეტი ხნის შემდეგ პირველად იხილავს მზის სრულ დაბნელებას, რომელიც 12 აგვისტოს ისლანდიასა და გრენლანდიასაც შეეხება. დაბნელების სრული ფაზა ხილული იქნება ისლანდიის, ესპანეთის, პორტუგალიის ჩრდილო-დასავლეთის, გრენლანდიის და ატლანტის ოკეანის ჩრდილოეთ ნაწილის გავლით. ნაწილობრივი მზის დაბნელება ხილული იქნება ევროპის უმეტეს ნაწილში, ჩრდილოეთ ამერიკის ზოგიერთ რეგიონში, წყნარი ოკეანის ნაწილებსა და აფრიკის ჩრდილო-დასავლეთ ნაწილში. NASA დაბნელებას პირდაპირ ეთერში გადასცემს. მზის დაბნელება ხდება მაშინ, როდესაც მთვარე მზესა და დედამიწას შორის გაივლის.
