თეგი: აზოვის ზღვა
რუსეთის დუმა: აზოვის ზღვა და ქერჩის სრუტე მხოლოდ რუსეთის საკუთრებაა
რუსეთის დუმამ მხარი დაუჭირა აზოვის ზღვის და ქერჩის სრუტის გამოყენების შესახებ უკრაინასთან 2003 წელს გაფორმებული ხელშეკრულების დენონსაციას. განმარტებითი ბარათის თანახმად, „რუსეთის შემადგენლობაში დონეცკის სახალხო რესპუბლიკის და ზაპოროჟიეს და ხერსონის ოლქების მიღებით შეიქმნა კარდინალურად ახალი სიტუაცია და ქერჩის სრუტის და აზოვის ზღვის სანაპიროები ამიერიდან მხოლოდ რუსეთს ეკუთვნის“. შესაბამისი კანონპროექტი პრეზიდენტმა პუტინმა დუმას 24 მაისს წარუდგინა. რუსეთმა უკრაინის ხერსონის, ზაპოროჟიეს, დონეცკის და ლუგანსკის ოლქები თავის ტერიტორიად გამოაცხადა 2022 წლის სექტემბერში, თუმცა, სრულად ვერცერთ მათგანს ვერ აკონტროლებს.
რუსული მედიის ცნობიუთ, „სუ-25“ აზოვის ზღვაში ჩავარდა
კრასნოდარის მხარის იეისკის რაიონში აზოვის ზღვაში „სუ-25“ ტიპის მოიერიშე თვითმფრინავი ჩავარდა. ინფორმაციას რუსული მედია საგანგებო სიტუაციების სამსახურის წარმომადგენელზე დაყრდნობით ავრცელებს. მისი განცხადებით, შემთხვევას მსხვერპლი არ მოჰყოლია.
მედია: რუსული KA-52-ის ტიპის ვერტმფრენი აზოვის ზღვაში ჩავარდა
რუსული კა-52 საბრძოლო ვერტმფრენი აზოვის ზღვაში ჩავარადა. წინასწარი მონაცემებით, ორი პილოტი გადაარჩინეს. ინფორმაციას რუსული ტელეგრამ არხი „ბაზა“ ავრცელებს. „სამაშველო სამსახურებში „ბაზას“ წყაროების თანახმად, შვეულმფრენი აზოვის ზღვის წყლებში, სანაპირო ზოლიდან დაახლოებით 1,5 კილომეტრის დაშორებით, პირველის სექტემბერს დილით ჩავარდა. წინასწარი განმარტებით, ამის მიზეზი რთული ამინდის პირობები გახდა, რადგან ტერიტორიაზე ძლიერი ნისლი იყო. კა-52-ის ბორტზე ეკიპაჟის ორი წევრი იმყოფებოდა. სამაშველო ოპერაციის დროს მათი ევაკუაცია განხორციელდა.
