თეგი: თავდაცვის ბიუჯეტი
ესტონეთი თავდაცვის ბიუჯეტს ზრდის
ესტონეთმა თავდაცვის ბიუჯეტის გაზრდის შესახებ (მშპ-ს მინიმუმ 2,7%-მდე) გამოაცხადა. ამის შესახებ ესტონეთის თავდაცვის მინისტრმა ჰანო პევკურმა ეროვნული მაუწყებლის ეთერში ისაუბრა. მისი თქმით, ამას უსაფრთხოების არსებული ვითარება მოითხოვს. მინისტრმა გაიხსენა, რომ NATO-ში გაწევრიანება მოითხოვს მშპ-ს 2%-ს, როგორც წევრ ქვეყანას, მაგრამ ესტონეთმა უკვე გადააჭარბა ამ მაჩვენებელს.
აშშ-ის სენატმა უკრაინისთვის რეკორდული თავდაცვის ბიუჯეტი დაამტკიცა
აშშ-ის კონგრესის სენატმა, 2023 წლისთვის რეკორდული $858 მილიარდის მოცულობის თავდაცვის ბიუჯეტი დაამტკიცა, რომელიც ასევე უკრაინის სამხედრო დახმარების სახსრებს მოიცავს. თავდაცვის ბიუჯეტის მოცულობა $45 მილიარდით მეტია, ვიდრე პრეზიდენტმა ჯო ბაიდენმა სენატს თავდაპირველად შესთავაზა. ბიუჯეტი ითვალისწინებს აშშ-ის სამხედროებისთვის ხელფასების გაზრდას, იარაღის შესყიდვის დაფინანსებას, ტაივანის მხარდაჭერას, რომელსაც ჩინეთი ემუქრება და უკრაინისთვის $800 მილიონის სამხედრო დახმარებას რუსული აგრესიის მოსაგერიებლად. „პროექტი მიღებულ ხმატა უმრავლესობით მიიღეს. მხოლოდ ცალკეულმა ლიბერალურმა სენატორებმა და „ფისკალურმა კონსერვატორებმა“, რომლებიც ხარჯებზე კიდევ უფრო მეტ კონტროლს ითხოვენ, ბიუჯეტს მხარი არ დაუჭირეს“, - წერს მედია. კონგრესის ქვედა წარმომადგენელთა პალატამ, თავდაცვის ბიუჯეტი 8 დეკემბერს დაამტკიცა. ახლა პროექტი ხელმოსაწერად აშშ-ის პრეზიდენტს ჯო ბაიდენს გადაეგზავნება.
ჯო ბაიდენმა აშშ-ის თავდაცვის ბიუჯეტის კანონპროექტს ხელი მოაწერა
ჯო ბაიდენმა აშშ-ის თავდაცვის ბიუჯეტის კანონპროექტს ხელი მოაწერა. რეკორდული 886 მილიარდი დოლარის ოდენობის თავდაცვის ბიუჯეტი წლიურ სამხედრო ხარჯებსა და პოლიტიკას აფინანსებს. კანონპროექტი, ასევე, უკრაინისა და ინდო-წყნარი ოკეანის რეგიონში ჩინეთის წინააღმდეგ მოქმედების დახმარებას ითვალისწინებს. კანონპროექტის მიხედვით, რომელიც თითქმის 3,100 გვერდია, სამხედრო მოსამსახურეების ანაზღაურება 5,2%-ით და ქვეყნის ეროვნული უსაფრთხოების მთლიანი ბიუჯეტი 3%-ით გაიზრდება. თავდაცვის ავტორიზაციის აქტში ასევე საუბარია შავი ზღვის რეგიონის მიმართ აშშ-ის ეროვნულ სტრატეგიაზე. გასულ კვირას, აშშ-ის კონგრესმა კანონპროექტი ორპარტიული მხარდაჭერით დაამტკიცა. სენატმა კანონპროექტი 87 ხმით 13-ის წინააღმდეგ, წარმომადგენელთა პალატამ კი, 310-118-ის წინააღმდეგ მიიღო.
