გაერთიანებული სამეფოს სავაჭრო კომისარი საქართველოში ვიზიტით იმყოფებოდა

გასულ კვირას გაერთიანებული სამეფოს სავაჭრო კომისარი აღმოსავლეთ ევროპასა და ცენტრალურ აზიაში, კენან პოლეო პირველი სამუშაო ვიზიტით იმყოფებოდა საქართველოში. ბრიტანეთის საელჩოს ცნობით, ვიზიტის ფარგლებში კომისარი შეხვდა საქართველოს ბიზნეს ასოციაციის წევრებსაც. „ასოციაციის წევრებთან გამართული შეხვედრა იყო შესანიშნავი შესაძლებლობა ქართულ ბიზნესთან პირდაპირი კომუნიკაციის დასამყარებლად. შეხვედრაზე განიხილეს ბრიტანეთსა და საქართველოს შორის არსებული სავაჭრო ურთიერთობები და ბრიტანეთის ექსპორტის ზრდის შესაძლებლობები, როგორც საქართველოში ასევე ქვეყნის მიღმა,“ - ნათქამია საელჩოს მიერ გავრცელებულ ინფორმაციაში. „დატვირთული რამდენიმე დღე ჩემს ბრწყინვალე კოლეგებთან ერთად თბილისში - კავშირების დამყარება სხვადასხვა სექტორიში, როგორიცაა ფინტეკი, ენერგეტიკა და რკინიგზა! აუცილებლად დავბრუნდები!“ წერს თავის მხრივ, პოლეო X-ზე. (ყოფილი Twitter-ი).