თეგი: მუქარა
საპატრიარქო: გავრცელდა ვიდეომასალა, რომელშიც ასახულია, როგორ იმუქრება სასულიერო პირის კაბაში შემოსილი პირი
საპატრიარქო ინტერნეტსივრცეში გავრცელებულ ვიდომასალასთან დაკავშირებით, რომელზეც, მისი ინფორმაციით, ასახულია, როგორ ბილწსიტყვაობს და იმუქრება სასულიერო პირის კაბაში შემოსილი პირი, განცხადებას ავრცელებს. „ინტერნეტსივრცეში გავრცელდა ვიდეომასალა, რომელშიც ასახულია, როგორ ბილწსიტყვაობს და იმუქრება სასულიერო პირის კაბაში შემოსილი პირი. ბუნებრივია, ამ ფაქტმა საზოგადოების სამართლიანი აღშფოთება გამოიწვია. როგორც დადგინდა, აღნიშნული პიროვნება რუის-ურბნისის ეპარქიის კეთილგონიერი ავაზაკის სახელობის მონასტრის მორჩილია. მისი ქმედების შესახებ დაუყოვნებლივ ეცნობა ეპარქიას, რათა საეკლესიო სამართლის ფარგლებში ეპარქიაშივე მოხდეს ზემოაღნიშნულ ფაქტზე სათანადო რეაგირება“, - ნათქვამია საპატრიოარქოს განცხადებაში.
„გაზპრომი“ უკრაინის გავლით გაზის ტრანზიტის შემცირებით იმუქრება
რუსული გაზპრომი უკრაინას ტრანზიტული გაზის „გაუჩინარებაში ადანაშაულებს“ და აცხადებს, რომ 28 ნოემბრიდან ევროპაში უკრაინის გავლით მიწოდებას შეამცირებს. უკრაინის მეშვეობით „გაზპრომი“ აგაზის ძირითად მოცულობას ევროკავშირს აწვდის, რომელთანაც ერთ წელზე მეტია ენერგეტიკულ ომს აწარმოებს და ასევე მცირე მოცულობებს აგზავნის მოლდოვაში. უკრაინულ მხარეს ჯერ არ გაუკეთებია კომენტარი გაზის „გაუჩნარების“ ბრალდებებზე. უკრაინული ტრანზიტი, Nord Stream გაზსადენზე აფეთქებების შემდეგ, ერთ-ერთი დარჩენილი მარშრუტია, რომლითაც ევროკავშორი რუსულ გაზს იღებს. უკრაინული ტრანზიტის გარდა, თურქეთზე გადის სამხრეთის დერეფანიც, რომლის გავლითაც ევროკავშირისთვის დაახლოებით იგივე ოდენობის გაზის მიწოდება ხდება, რასაც უკრაინის ტრანზიტით იღებს.
ბორის ჯონსონის თქმით, ვლადიმერ პუტინი სარაკეტო თავდასხმით დაემუქრა
დიდი ბრიტანეთის ყოფილი პრემიერ-მინისტრის, ბორის ჯონსონის თქმით, რუსეთის უკრაინაში შეჭრის წინ გამართული სატელეფონო საუბრისას რუსეთის პრეზიდენტი, ვლადიმერ პუტინი მას სარაკეტო დარტყმით დაემუქრა. ამის შესახებ BBC წერს. ჯონსონის მტკიცებით, პუტინმა უთხრა, რომ ბრიტანეთზე დარტყმას „მხოლოდ ერთი წუთი დასჭირდებოდა". „ის ერთ მომენტში დამემუქრა და მითხრა: „ბორის, არ მინდა ზიანი მოგაყენო, მაგრამ რაკეტით ამას მხოლოდ ერთი წუთი დასჭირდება“, - აღნიშნა ბორის ჯონსონმა. მისი თქმით, მან გააფრთხილა პუტინი, რომ უკრაინაში შეჭრა დასავლეთის მიერ სანქციების დაწესებასა და რუსეთის საზღვართან NATO-ს ჯარების რაოდენობის გაზრდას გამოიწვევდა. ამასთან, BBC-ი წერს, რომ სატელეფონო საუბრის დეტალები გადმოცემულია დოკუმენტურ ფილმში, „პუტინი დასავლეთის წინააღმდეგ“, რომელიც დღეს ეთერში მოგვიანებით გავა.
