თეგი: მძევლები
მედია: გერმანიაში, აფთიაქში მყოფი მძევლები პოლიციამ გაათავისუფლა
გერმანიის ქალაქ კარლსრუეში პოლიცია აფთიაქში შტურმით შევიდა და იქ მყოფი მძევლები გაათავისუფლა. თავდამსხმელი დაკავებულია. როგორც „როიტერი“ წერს, ამის შესახებ ინფორმაციას ადგილობრივი პოლიცია ავრცელებს. არსებული ინფორმაციით, სპეცოპერაციის შედეგად არავინ დაშავებულა. კარლსრუეში უცნობ კაცს აფთიაქში ორი მძევალი ოთხი საათის განმავლობაში ჰყავდა აყვანილი.
თურქეთში, ამერიკულ საწარმოში მძევლად აყვანილი ადამიანები პოლიციამ გაათავისუფლა
თურქეთის ქალაქ სტამბოლის მახლობლად მდებარე Proctor & Gamble-ის ქარხანაში მძევლად აყვანილი შვიდი თანამშრომელი სამართალდამცველებმა გაათავისუფლეს. შესაბამის ინფორმაციას BBC-ი ოფიციალურ პირებზე დაყრდნობით ავრცელებს. ადგილობრივი გუბერნატორის, სედარ იავუზის თქმით, მძევლები არ დაშავებულან. გავრცელებული ინფორმაციით, ეჭვმიტანილი დაკავებულია და საგამოძიებო ღონისძიებები დაწყებულია. შეიარაღებულმა პირმა გებზეში მდებარე ქარხნის თანამშრომლები მძევლად, ღაზის სექტორში მიმდინარე ომის პროტესტის ნიშნად აიყვანა.
