თეგი: სექსი
ინდონეზიის პარლამენტმა, ქორწინების გარეშე სექსისთვის, პატიმრობა დაამტკიცა
ინდონეზიის პარლამენტმა მიიღო ახალი სასჯელაღსრულების კოდექსი, რომელიც, სხვა საკითხებთან ერთად, ქორწინების გარეშე სექსისთვის ერთ წლამდე თავისუფლების აღკვეთას ითვალისწინებს. ინდონეზიაში ქორწინების გარეშე სექსი პატიმრობით დაისჯება მიღებული ცვლილებების მიხედვით, ქორწინებამდე თანაცხოვრების შემთხვევაში პირებს ექვსთვიანი პატიმრობა ემუქრებათ. ახალი სისხლის სამართლის კოდექსი უნდა დაამტკიცოს პრეზიდენტმა ჯოკო ვიდოდომ. ინდონეზიის ხელისუფლებამ ძველი კოდექსიდან ახალზე გადასასვლელად სამი წელი განსაზღვრა. ახალი კოდექსი ვრცელდება ინდონეზიის მოქალაქეებზე და უცხოელებზე. ახალი სისხლის სამართლის კოდექსი ასევე კრძალავს მოქმედი პრეზიდენტისა და ვიცე-პრეზიდენტის, სახელმწიფო ინსტიტუტებისა და ეროვნული იდეოლოგიის შეურაცხყოფას, ასევე კონტრაცეპტივების პოპულარიზაციას. პრეზიდენტის შეურაცხყოფისთვის სამ წლამდე თავისუფლების აღკვეთა არის გათვალისწინებული. ახალი კოდექსი ჩაანაცვლებს კანონმდებლობას, რომელიც დარჩა მას შემდეგ, რაც ინდონეზიამ 1945 წელს ნიდერლანდებისგან დამოუკიდებლობა მოიპოვა. ბოლოს შესწორებული სისხლის სამართლის კოდექსის მიღება 2019 წელს სცადეს, მაგრამ მაშინ ქვეყნის პრეზიდენტმა პროტესტის ფონზე მის ხელმოწერაზე უარი თქვა.
სექსი არის ერთ-ერთი მშვენიერი რამ, რაც ღმერთმა აჩუქა ადამიანს - რომის პაპი
დოკუმენტური ფილმის კონტექსტში, რომელიც მალე გამოვა ეკრანებზე, რომის პაპი ფრანცისკე განიხილავს სქესობრივი კავშირის უპირატესობებს და ამბობს, რომ ეს არის ერთ-ერთი უდიდესი საჩუქარი, რომელიც ღმერთმა მისცა ადამიანს. დოკუმენტური ფილმი კათოლიკური ეკლესიის მოდერნიზაციის მცდელობის ნაწილია, რომლის ხელმძღვანელიც 20 წლამდე ასაკის 10 ადამიანის კითხვებს პასუხობს. კერძოდ, რომის პაპმა ფრანცისკემ "დისნეი +" - ის დოკუმენტურ ფილმში, "პასუხობს პაპი" ახალგაზრდების კითხვებს უპასუხა. რომის პაპი: გემრიელი საჭმელი და სექსი ღვთაებრივი სიამოვნებაა მას ჰკითხეს სხვადასხვა თემაზე, მათ შორის, ლგბტ უფლებებზე, აბორტზე, პორნო ინდუსტრიაზე, სექსზე. რწმენაზე, ასევე სექსუალურ ძალადობაზე კათოლიკურ ეკლესიაში. აბორტის შესახებ საუბრისას განაცხადა, რომ მღვდლები უნდა იყვნენ მოწყალენი ქალების მიმართ, რომლებმაც ორსულობის შეწყვეტა გადაწყვიტეს, მაგრამ ეს პრაქტიკა მიუღებელია. „ყველა ადამიანი ღვთის შვილია. ღმერთი არავის უარყოფს, ღმერთი მამაა და მე არ მაქვს უფლება, ვინმე ეკლესიიდან განვდევნო“, - განაცხადა რომის პაპმა.
