თეგი: ფატმა ჯერენ იაზგანი
თურქეთის ელჩი: ახლა წყდება არამხოლოდ ევროპული ღირებულებების ბედი
„ახლა წყდება არამხოლოდ ევროპული ღირებულებების ბედი“, ამის შესახებ თურქეთის ელჩმა, ფატმა ჯერენ იაზგანმა თბილისში გამართული დისკუსიის დროს განაცხადა, რომლის თემაც - „რუსეთის შეჭრა უკრაინაში“ იყო. უკრაინაში ახლა წყდება არამხოლოდ ევროპული ღირებულებების ბედი, როგორც ეს ხშირად გაისმის, არამედ ეს არის გლობალური ღირებულებების საკითხი. „ინდოეთში, პაკისტანში, ლიეტუვაში... დედებს შვილები ერთნაირად უყვართ“, - განაცხადა ელჩმა რადიო თავისუფლების ცნობით. ელჩმა ყურადღება გაამახვილება იმ გარემოებაზე, რომ რუსეთს, რომელიც გაეროს უშიშროების საბჭოს ვეტოს უფლების მქონე წევრია, მეტი პასუხისმგებლობა აკისრია მსოფლიოში მშვიდობის დასაცავად. მან გაიხსენა რუსეთის პოზიცია უშიშროების საბჭოში, სადაც მოსკოვმა ვეტო დაადო უკრაინაში შეჭრის წინააღმდეგ მიმართულ რეზოლუციას და ამის გამო საჭირო გახდა იშვიათი ნაბიჯის გადადგმა - რეზოლუცია გაეროს გენერალურმა ასამბლეამ საგანგებო სხდომაზე მიიღო ხმების დიდი უმრავლესობით. ფატმა ჯერენ იაზგანის თქმით, ეს ომი სახიფათოა რეგიონისთვის, თავად რუსეთისთვის, მთელი მსოფლიოსთვის. ასეთ პირობებში აუცილებელია გაერთიანებული ძალისხმევა. მან საქართველოს პოლიტიკოსებს, ქართულ საზოგადოებას მოუწოდა, დაივიწყონ დაპირისპირებები. „ახლა გაერთიანების დროა“, - განაცხადა ელჩმა და დაამატა: „ყველაფერი უნდა გავაკეთოთ, რომ რუსეთის აგრესია გავაჩეროთ.“
თურქეთის ელჩის თანამდებობაზე ფატმა ჯერენ იაზგანს ალი კაან ორბაი შეცვლის
საქართველოში თურქეთის ელჩის თანამდებობაზე ფატმა ჯერენ იაზგანს ალი კაან ორბაი შეცვლის. ინფორმაციას თურქეთის საგარეო საქმეთა სამინისტრო ავრცელებს. ანკარამ ელჩები სხვადასხვა ქვეყანაში, მათ შორის საქართველოშიც დაასახელა. დანიშვნამდე ალი კაან ორბაი ავსტრიაში თურქეთის საელჩოს პირველ მდივნად მუშაობდა. ფატმა ჯერენ იაზგანი ელჩის პოზიციას 2017 წლიდან იკავებდა. ოფიციალურად, როდიდან შეუდგება მუშაობას ახალი ელჩი, ჯერ უცნობია. ასევე წაიკითხეთ Europetime-ის ექსკლუზიური ინტერვიუ თურქეთის ელჩთან
ჩვენი მთავარი მიზანია სხვა მეზობლების მოზიდვა და იმ ქვეყნების პატარა კავშირის შექმნა, რომელთაც სურთ, ევროკავშირის ნაწილი გახდნენ - თურქეთის ელჩი
„ჩვენი მთავარი მიზანი გახლავთ სხვა მეზობლების მოზიდვა და პატარა კავშირის შექმნა იმ ქვეყნებისა, რომელთაც სურთ, გახდნენ ევროკავშირის ნაწილი, - ამის შესახებ საქართველოში თურქეთის ელჩმა, ფატმა ჯერენ იაზგანმა თურქეთ-საქართველოს ბიზნეს ფორუმზე სიტყვით გამოსვლისას განაცხადა. როგორც ელჩმა აღნიშნა, საქართველო და თურქეთი ნამდვილად არიან ევროპული ქვეყნები. აზერბაიჯანი, საქართველო და თურქეთი საპარლამენტო ასამბლეის შექმნაზე შეთანხმდნენ „ჩვენს რეგიონში თურქეთი, საქართველო და აზერბაიჯანი არიან ძალიან მნიშვნელოვანი პარტნიორი ქვეყნები. ჩვენი მთავარი მიზანი გახლავთ სხვა მეზობლების მოზიდვა და პატარა კავშირის შექმნა იმ ქვეყნებისა, რომელთაც სურთ გახდნენ ევროკავშირის ნაწილი. ვთვლი, რომ საქართველო ნამდვილად არის ევროპული ქვეყანა, ისევე, როგორც თურქეთი. მჯერა, რომ ჩვენ [თურქეთი და საქართველო] დავიმსახურეთ ვიყოთ ევროკავშირის წევრები, მაგრამ ამ მოლოდინში საჭიროა ჩვენს ქვეყნებში განვავითაროთ ეს მოდელი და დავიწყოთ მისი განხორციელება. ეს პროცესი უკვე დავიწყეთ კიდეც ჩვენ ქვეყნებს შორის საზღვრების მოხსნით. ჩვენს მოქალაქეებს შეუძლიათ პასპორტისა და ვიზის გარეშე გადასვლა, ასევე გვაქვს თავისუფალი ვაჭრობა. ჩვენთვის მთავარია, რომ ერთმანეთს მეტი კეთილდღეობა მოვუტანოთ“, - განაცხადა ფატმა ჯერენ იაზგანმა IPN-ის ცნობით.
