რუმინეთში მრავალეროვნული სამხედრო სწავლება „ზღვის ფარი 2023“ გაიმართება

მთავარი მრავალეროვნული სამხედრო წვრთნები „ზღვის ფარი 2023“, რომელიც რუმინეთის საზღვაო ძალების მიერ არის ორგანიზებული, შავ ზღვაში, რუმინეთის სამხრეთ-აღმოსავლეთში 20 მარტიდან 2 აპრილამდე ჩატარდება. წვრთნებში მონაწილეობას დაახლოებით 3400 სამხედრო მოსამსახურე მიიღებს.  Sea Shield 2023-ის მონაწილე ქვეყნები არიან ალბანეთი, ბულგარეთი, საფრანგეთი, საქართველო, საბერძნეთი, პოლონეთი, პორტუგალია, დიდი ბრიტანეთი, ნიდერლანდები, მოლდოვას რესპუბლიკა, აშშ და თურქეთი. „მრავალეროვნული წვრთნები „ზღვის ფარი 2023“ რეგიონულ და საერთაშორისო დონეზე რუმინეთის ინიციატივებისა და ინტერესების ხელშეწყობას, ასევე მონაწილე ძალებს შორის თავსებადობის დონის ამაღლებას უწყობს ხელს“, - ნათქვამია რუმინეთის საზღვაო ძალების პრესრელიზში.