თეგი: GEPARD
გერმანია უკრაინას BIBER-ის ტიპის ტანკს და სხვა სამხედრო დახმარებას მიაწვდის
გერმანია უკრაინაში 16 ხიდის ტანკის - BIBER-ის, 10 საზენიტო იარაღის - GEPARD-ის გაგზავნას გეგმავს. „GEPARD-ები მრავალი წელია არ იმყოფებიან ბუნდესვერის სამსახურში, რაც იმას ნიშნავს, რომ მათი შეცვლა არ არის საჭირო, ისინი უზრუნველყოფილი იქნება ინდუსტრიის მარაგებიდან", - განუცხადა ჟურნალისტებს გერმანიის თავდაცვის სამინისტროს სპიკერმა დევიდ ჰელბოლდმა. მან არ დააკონკრეტა, როდის გადაეცემა ეს ტექნიკა უკრაინის შეიარაღებულ ძალებს. მანამდე, უკრაინის საკონტაქტო ჯგუფის შეხვედრის შემდეგ, გერმანიის თავდაცვის მინისტრმა ქრისტინე ლამბრეხტმა განაცხადა, რომ „საზენიტო ქვემეხების მეორე პარტია (GEPARD) მალე მიეწოდება უკრაინას“. გარდა ამისა, მისი თქმით, უახლოეს მომავალში უკრაინაში უნდა გაიგზავნოს - BIBER-ი. მინისტრმა ასევე აღნიშნა, რომ გერმანია უკრაინას მიაწვდის „ზამთრის პაკეტს": ელექტრო გენერატორებს, თერმო ტანსაცმელს, საკვებს და საველე აღჭურვილობას. ამასთან, გერმანიის თავდაცვის მინისტრმა ისაუბრა უკრაინელი სამხედროების მომზადების პროგრამაზე, რომელიც ნიდერლანდებთან ერთად განხორციელდება. უახლოეს თვეებში სასწავლო კურსების სპექტრი გაფართოვდება უკრაინის შეიარაღებული ძალების საჭიროებების გათვალისწინებით. ამ კონტექსტში ლამბრეხტმა გამოაცხადა ახალი ინიციატივა: ნაღმების გაწმენდის ღონისძიებები. „ეს აჩვენებს, რომ ჩვენ უკრაინას ძალიან ფართოდ, ძალიან ინტენსიურად ვუჭერთ მხარს“, - აღნიშნა ლამბრეხტმა. გერმანიის მთავრობის ვებგვერდზე განთავსებული სიის მიხედვით, გერმანია გეგმავს, უკრაინას მიაწოდოს 16 ხიდის დამდგმელი ტანკი BIBER, 10 საზენიტო ქვემეხი GEPARD, ასევე, საბრძოლო მასალა. ინფორმაციისთვის, Biber-ი არის საბრძოლო საინჟინრო მანქანა ატარებს და განათავსებს თავდასხმის ხიდს, რათა დაეხმაროს ჯარისკაცებს ნაკადების, ტანკსაწინააღმდეგო თხრილების და სხვა მცირე დაბრკოლებების გადაკვეთაში ბრძოლის ველზე.
გერმანია უკრაინას Gepard-ის ტიპის ტანკებსა და სადაზვერვო აღჭურვილობას მიაწვდის
გერმანიამ უკრაინისთვის სამხედრო დახმარების ახალი პაკეტის შესახებ გამოაცხადა. სამხედრო დახმარების ახალი პაკეტი მოიცავს სადაზვერვო თვითმფრინავებს, Gepard-ის ტიპის თვითმავალ საზენიტო საარტილერიო დანაყოფებს და მისთვის საჭირო ათასობით ვაზნას. უკრაინამ გერმანიიდან Leopard 1A5-ის ტიპის ტანკების პირველი პარტია 21 ივლისს მიიღო. კერძოდ, გერმანიამ უკრაინას ათი ერთეული ასეთი ტანკი გადასცა. მთლიანობაში ბერლინი უკრაინელ დამცველებს ამ ტიპის 100-ზე მეტ ტანკს მიაწვდის. წერს RBC-Ukraine. ტანკების გარდა, უკრაინამ მიიღო 20 MG3 ტყვიამფრქვევი Leopard 2-ის ტიპის ტანკებისთვის, Marder-ის ტიპის ქვეითი საბრძოლო მანქანებისთვის და Dachs-ის ტიპის საინჟინრო ტანკებისთვის. დახმარების ახალ პაკეტში ასევე შედის 1035 155 მმ ტყვია, სათვალთვალო რადარები, 16 Zetros-ის ტიპის სატვირთო მანქანა, 4 სასაზღვრო პატრულის მანქანა და სხვა აღჭურვილობა.
გერმანია Gepard-ის ტიპის ტანკების ჩანაცვლებისთვის მოკლე რადიუსის საჰაერო თავდაცვის სისტემას შეიმუშავებს
გერმანია Gepard-ის ტიპის ტანკების ჩანაცვლებისთვის მოკლე რადიუსის საჰაერო თავდაცვის სისტემას შეიმუშავებს, რისთვისაც 1,4 მილიარდ აშშ დოლარს გაიღებს. Reuters-ის ცნობით, მოკლე რადიუსის საჰაერო თავდაცვის სისტემები განკუთვნილია ჯარების დასაცავად ტაქტიკურ დონეზე, მაგალითად, განლაგების ოპერაციების დროს ან რაკეტებისა და თვითმფრინავების თავდასხმებისას, ასევე, დაბალ დონეზე მფრინავი თვითმფრინავებისგან დასაცავად. გერმანული კომპანიების მთავარი ამოცანა იქნება საჰაერო თავდაცვის სისტემის შემუშავება მოკლე დისტანციებზე, დაწყებული სამი კილომეტრიდან და ძალიან მოკლე მანძილიდან ქვემოთ, სადაც საფრთხე ძირითადად მცირე ზომის დრონებიდან მოდის. მანამდე გერმანია ძირითადად Gepard-ის საზენიტო სატანკო სისტემას ეყრდნობოდა. ეს იარაღი უკრაინას აქტიურად მიეწოდება, თუმცა მისი ჩანაცვლება ბერლინმა მანამდე გადაწყვიტა.
