"რომის სტატუტის" მონაწილე ქვეყნების ასამბლეა ICC-ის სრულ მხარდაჭერას უცხადებს

ჩვენ ვადასტურებთ ჩვენს სრულ ნდობას სასამართლოს, როგორც დამოუკიდებელი, მიუკერძოებელი სასამართლო ინსტიტუტის მიმართ და ვიმეორებთ ჩვენს მტკიცე ვალდებულებას, დავიცვათ რომის წესდებით გათვალისწინებული პრინციპები, - რომის სტატუტის მონაწილე სახელმწიფოთა ასამბლეის პრეზიდიუმმა ურყევი მხარდაჭერა გამოუცხადა სისხლის სამართლის საერთაშორისო სასამართლოს, რომელმაც მუქარები მიიღო მას შემდეგ რაც რუსეთის პრეზიდენტ პუტინზე დაპატიმრების ორდერი გასცა. რას ნიშნავს ჰააგის სასამართლოს გადაწყვეტილება ჰააგის სასამართლომ პუტინის დაკავების ორდერი გასცა განცხადებაში ნათქვამია, რომ ICC განასახიერებს კოლექტიურ ვალდებულებას, ებრძოლონ დაუსჯელობას სერიოზული საერთაშორისო დანაშაულებისთვის. "პრეზიდენტი გმობს ამ მცდელობებს, ხელი შეუშალოს საერთაშორისო ძალისხმევას, რათა უზრუნველყოს პასუხისმგებლობა იმ ქმედებებზე, რომლებიც აკრძალულია ზოგადი საერთაშორისო კანონმდებლობით. ჩვენ ვადასტურებთ ჩვენს სრულ ნდობას სასამართლოს, როგორც დამოუკიდებელი, მიუკერძოებელი სასამართლო ინსტიტუტის მიმართ და ვიმეორებთ ჩვენს მტკიცე ვალდებულებას, დავიცვათ რომის წესდებით გათვალისწინებული პრინციპები და ღირებულებები და დავიცვათ მისი მთლიანობა", - - ნათქვამია განცხადებაში.  რუსეთის უშიშროების საბჭოს თავმჯდომარის მოადგილე, დიმიტრი მედვედევი 20 მარტს ჰააგის სასამართლოს სარაკეტო დარტყმით დაემუქრა. მანამდე, ჰააგის სისხლის სამართლის საერთაშორისო სასამართლომ პუტინის დაპატიმრების ორდერი გასცა. რომის სტატუტის მონაწილე სახელმწიფოთა ასამბლეა სისხლის სამართლის საერთაშორისო სასამართლოს მმართველი სამეთვალყურეო და საკანონმდებლო ორგანოა.