ოლენა ზელენსკა ვაშინგტონში ენტონი ბლინკენს შეხვდა

უკრაინის პირველი ლედი ოლენა ზელენსკა აშშ-ის სახელმწიფო მდივანს, ენტონი ბლინკენს ვაშინგტონში შეხვდა. უკრაინის პირველი ლედი აშშ-ს კონგრესს მიმართავს  „უკვე შევხვდი სახელმწიფო მდივანს ენტონი ბლინკენს. მისი პოზიციაა, ვციტირებ - „სუვერენული, დამოუკიდებელი უკრაინა გაცილებით დიდხანს იარსებებს, ვიდრე პუტინი", უცვლელი რჩება“ - წერს ოლენა ზელენსკა Facebook-ზე.  უკრაინის პირველი ლედის ინფორმაციით, ის აშშ-ში პირველი ლედის, ჯილ ბაიდენის მიწვევით იმყოფება. აშშ-ის წარმომადგენელთა პალატის სპიკერმა, ნენსი პელოსიმ განაცხადა, რომ ოლენა ზელენსკა 20 ივლისს აშშ-ის კონგრესის წინაშე სიტყვით გამოვა.