ჟურნალისტი თამუნა მუსერიძე BBC-ის 2023 წლის 100 გავლენიანი ქალის სიაშია

BBC-მ გამოაქვეყნა 2023 წლის 100 გავლენიანი ქალის სია მთელი მსოფლიოდან, რომელშიც ქართველი ჟურნალისტი და Facebook ჯგუფის  - "ვეძებ" შემქმნელი თამუნა მუსერიძე მოხვდა. BBC წერს, რომ მუსერიძემ "დათმო ყველაფერი თავისი ბიოლოგიური მშობლების მოსაძებნად. კვლევის პროცესში აღმოაჩინა მტკიცებულებები, რომ 1950-იანი წლებიდან საქართველოში ბავშვების გაშვილების ფართომასშტაბიანი შავი ბაზარი არსებობდა." "მუსერიძის ორგანიზაციამ ასობით ოჯახის გაერთიანებას შეუწყო ხელი, მაგრამ ის კვლავ ეძებს თავის ოჯახს," – წერს BBC."ღმერთო არ მჯერა ახლა ამას რომ ვწერ !!!!!!!!!!!!!!!!უკვე 10 წელია, ყოველი წლის ბოლოს BBC მსოფლიოს სხვადასხვა ქვეყნებიდან გამორჩეული ქალების ასეულს აქვეყნებს. იმ ქალების, რომლებმაც საკუთარ ქვეყანაში გარკვეული წვლილი შეიტანეს და მის მიმართ ინტერესი მისი ქვეყნების ფარგლებს გაცდა. წელს პირველად ბიბისი საქართველოში განვითარებული მოვლენებით დაინტერესდა.!!! წელს პირველად, ქართველი ქალი მოხვდა მსოფლიო ინფლუენსერი ქალების ასეულში!!! წელს მიშელ ობამასთან ერთად ამ ასეულში მე აღმოვჩნდი!!!" - წერს თამუნა მუსერიძე Facebook-ზე.