თბილისში, პარლამენტის შენობასთან აქცია - “სოლიდარობა ირაკლი ბებუას“ იმართება

ოკუპირებულ აფხაზეთში უკანონო პატიმრობაში მყოფი მოქალაქის, ირაკლი ბებუას მხარდასაჭერად, თბილისში, პარლამენტის შენობის წინ აქცია მიმდინარეობს.  აქციაზე იმყოფება ირაკლი ბებუას ბიძაშვილი თამუნა ბებუა. მან რადიო თავისუფლებას განუცხადა, რომ მოთხოვნა არის უცვლელი, ირაკლის სასწრაფოდ გათავისუფლება და საქართველოს კონტროლირებად ტერიტორიაზე გადმოყვანა. „როგორც ხელისუფლების წარმომადგენლები ამბობენ, მოლაპარაკებები მიმდინარეობს მუდმივ რეჟიმში, თუმცა მან რაღაც შედეგამდე უნდა მივყავდეთ. ოჯახი შედეგებს ვერ ხედავს. შესაბამისად, განცდა გვაქვს, რომ რეალური ნაბიჯები არ იდგმება," - განა თამუნა ბებუამ და აღნიშნა, რომ დაახლოებით ორი თვის წინ ტელეფონით ელაპარაკნენ ირაკლი ბებუას. შემდეგ კი, საკუთარი წყაროებიდან გაიგეს მისი ჯანმრთელობის მდგომარეობის გაუარესების შესახებ. ირაკლი კობახიძე: ირაკლი ბებუას გათავისუფლებისთვის ყველაფერი კეთდება, მაგრამ საკითხი არის რთული