შსს-ს ყოფილი მაღალჩინოსანი გიორგი ლორთქიფანიძე უკრაინის კონტრდაზვერვის დირექტორის მოადგილედ დაინიშნა

საქართველოს შინაგან საქმეთა მინისტრის ყოფილი მოადგილე გიორგი ლორთქიფანიძე უკრაინის კონტრდაზვერვის დირექტორის მოადგილე დაინიშნა. ინფორმაციას პარლამენტის ფრაქცია „ერთიანი ნაციონალური მოძრაობის" თავმჯდომარე ხატია დეკანოიძე ავრცელებს. გიორგი ლორთქიფანიძე უკრაინაში ოდესის ოლქის პოლიციის მთავარი სამმართველოს უფროსის თანამდებობას იკავებდა. მან 2016 წელს დატოვა თანამდებობა. გიორგი ლორთქიფანიძე საქართველოს პროკურატურამ სისხლის სამართლის პასუხისგებაში 2021 წლის დეკემბერში მისცა. საქმე ეხება ექსპრეზიდენტ მიხეილ სააკაშვილის მიერ საზღვრის უკანონოდ კვეთის ფაქტს. გიორგი ლორთქიფანიძე 2011 წლის 26 მაისს რუსთაველის გამზირზე მომიტინგეების დარბევის საქმეზე სხვა პირებთან ერთად არის ბრალდებული სამსახურებრივი უფლებამოსილების გადამეტების საქმეზე.