თეგი: მიკროჩიპები
რუსეთმა, მიკროჩიპების დეფიციტის გამო ბიომეტრული პასპორტების გაცემა შეაჩრა
რუსეთი აჩერებს ბიომეტრული პასპორტების გაცემას, ტექნიკური პრობლემების გამო, სავარაუდოდ 2023 წლის მარტამდე შეაჩრერებს. ინფორმაციას უსაფრთხოების დოკუმენტების მწარმოებელი კომპანია Gosznak-ი ავრცელებს. „ვისაც სასწრაფოდ ესაჭიროება საზღვარგარეთ გამგზავრება, მიწვევის საფუძველზე, ძველი სტილის პასპორტის შეკვეთა მოუწევს“, - აცხადებენ კომპანიაში. ვრცელდება ინფორმაცია, რომ ღონისძიება პირველ რიგში რეგიონების მოსახლეობას შეეხება. Gosznak-ი განმარტავს, რომ მიკროჩიპების ერთადერთი მწარმოებელი, რომლითაც ბიომეტრიული დოკუმენტები მიეწოდება, კომპანია Mikron-ია, რომელიც ვერ უმკლავდება წარმოების მოცულობას მას შემდეგ, რაც მოსკოვმა იმპორტირებული პროდუქციაზე წვდომა, უკრაინაში შეჭრის შემდეგ დაწესებული ეკონომიკური სანქციების გამო დაკარგა. მანამდე გავრცელდა ინფორმაცია, რომ იგივე პრობლემები შეექმნათ საბანკო ბარათების მწარმოებლებს. რუსეთის ხელისუფლება ჩინელ მწარმოებლებთან მოლაპარაკებებს გასული წლის გაზაფხულიდან აწარმოებს, მაგრამ, როგორც რუსული მედია წერდა, პრობლემის სწრაფ გადაწყვეტას არ უნდა ველოდეთ, რადგან უცხოელ ექსპორტიორებს სერტიფიცირების პროცესის გავლა და მიწოდების ჯაჭვის შექმნა სჭირდებათ.
მედია: უკრაინაში ომის პარალელურად, საქართველომ 35-ჯერ გაზარდა აშშ-დან მიკროჩიპების იმპორტი
უკრაინაში ომის პარალელურად საქართველომ მკვეთრად გაზარდა ორმაგი დანიშნულების პროდუქციის იმპორტი დასავლეთიდან და ექსპორტი დსთ-ს ქვეყნებში. რადიო თავისუფლებამ მოიპოვა დოკუმენტი, რომელშიც ჩანს, რომ საქართველომ 2022 წელს წინა წელთან შედარებით 3 370 %-ით გაზარდა ამერიკის შეერთებული შტატებიდან მიკროჩიპების იმპორტი. დოკუმენტი, რომელშიც წერია, რომ საქართველომ უკრაინაში სრულმასშტაბიანი ომის დაწყების წელს რეკორდულად გაზრდილი რაოდენობის ამერიკული ტექნოლოგიური პროდუქცია შეიძინა, ამერიკის სენატში რუსეთისთვის დაკისრებული სანქცირების ეფექტიანობის განსახილველად მომზადდა რუსეთის სანქციებზე მომუშავე მუდმივმოქმედი საგამოძიებო ქვემომიტეტის მიერ. ამ დოკუმენტში მოყვანილი მონაცემები მიკროჩიპებით მოვაჭრე ოთხი გიგანტური ამერიკული კომპანიის (Intel, Analog Devices, AMD და Texas Instruments) საგარეო ვაჭრობის სტატისტიკას ეყრდნობა, რომელიც საგამოძიებო ჯგუფმა მათგან გამოითხოვა ანგარიშზე მუშაობისას. ამ კომპანიების მიერ წარმოებული ნახევარგამტარები და მიკროჩიპები ყველაზე ხშირად ხვდებათ შეიარაღების მკვლევრებს უკრაინაში გამოყენებულ რუსულ სამხედრო იარაღში.
