ევროკავშირის საგარეო ქმედებათა სამსახურის მმართველი დირექტორი: მე ვნახე ქალი, რომელიც წყლის ჭავლის წინააღმდეგ იქნევდა დროშას, ესაა სურათი, რაც ჩემს გონებაში რჩება

ევროკავშირის საგარეო ქმედებათა სამსახურის მმართველმა დირექტორმა, მიხაელ ზიბერტმა “ალტ-ინფოს” წარმომადგენლების მიერ პარლამენტთან ევროკავშირის დროშის დაწვასთან დაკავშირებით განაცხადა, რომ კარგი სანახავი არ არის, მაგრამ განცალკევებული ინციდენტია. „ბოლო ერთი კვირის, ათი დღის განმავლობაში პირადად მე ბევრი ვიდეო ვნახე, როდესაც ევროპულ დროშებს ისეთ მომენტებში იქნევდნენ, რომლებიც დიდი გამბედაობას მოითხოვდა. ვნახე ქალი, რომელიც წყლის ჭავლის წინააღმდეგ იქნევდა დროშას, ამიტომ ესაა სურათი, რომელიც ჩემს გონებაში რჩება”, - განაცხადა ზიბერტმა მედიასთან. პრორუსული ორიენტაციის „ალტ - ინფომ“ პარლამენტთან ევროკავშირის დროშა ჩამოხსნა და დაწვა. მოგვიანებით, დროშა საპატრულო პოლიციის თანამშრომლებმა კვლავ აღმართეს.