ადვოკატი: რუსეთში პატიმრობაში მყოფი აშშ-ის მოქალაქე პოლ უილანის ადგილსამყოფელი უცნობია

რუსეთში პატიმრობაში მყოფი აშშ-ის ყოფილი საზღვაო ქვეითის, პოლ უილანის ადვოკატმა ოლგა კარლოვამ 31 ივლისს განაცხადა, რომ არ იცის, სად იმყოფება მისი კლიენტი. უილანს 16 წლით პატიმრობა აქვს მისჯილი ჯაშუშობის ბრალდებით, რასაც ის უარყოფს. რუსეთის სახელმწიფო მედია იმოწმებს ოლგა კარლოვას, რომელიც იტყობინება, რომ მორდოვეთში მდებარე ციხის ადმინისტრაციამ, სადაც იხდის პატიმრობას უილანი, უგულებელყო მისი თხოვნა, დაადასტუროს, იმყოფება თუ არა მისი კლიენტი ციხეში. კარლოვამ დასძინა, რომ რამდენიმე დღის წინ კავშირი გაუწყდა კლიენტთან და დახმარებისთვის მიმართა საზოგადოებრივი მეთვალყურეობის კომისიის ადამიანის უფლებების დამცველ ჯგუფს. 29 ივლისს რუსეთის რამდენიმე ცნობილი პირი, რომლებიც პოლიტიკურად მოტივირებული ბრალდებებით იმყოფებიან პატიმრობაში, გარე სამყაროსთან კავშირის გარეშე დარჩა, თუმცა ისინი უცებ გადაიყვანეს სხვა სასჯელაღსრულებით დაწესებულებებში.