თეგი: რუსული ბანკი
რუსული ბანკი მეწარმეებისთვის სავალუტო ოპერაციებს ქართულ ლარში იწყებს - მედია
რუსულმა ბანკმა „Точка“ მეწარმეებისთვის სავალუტო ოპერაციები ქართულ ლარში დაიწყო. საკრედიტო ორგანიზაციის წარმომადგენლის თქმით, ქართული ვალუტის გაგზავნა შესაძლებელია საქართველოსა და მსოფლიოს ნებისმიერ ბანკში. დოლარის, ევროს და რუბლის გარდა, რომლის გაგზავნაც შესაძლებელია ზოგიერთ ქართულ ბანკში, საქართველოში ყველა ბანკში ლარში ანგარიშსწორება გახდა შესაძლებელი. „გასული წლის განმავლობაში საქართველოსა და რუსეთს შორის სავაჭრო ბრუნვა 2021 წელთან შედარებით 52%-ით გაიზარდა. ახლა რუსეთი არის საქართველოს ერთ-ერთი მთავარი სავაჭრო პარტნიორი, ამიტომაც ჩავუშვით ახალი ვალუტა, რომელიც ხელს შეუწყობს ქვეყნებს შორის ურთიერთქმედების ტენდენციას“, - განაცხადა ბანკის წარმომადგენელმა ანა დავიდოვამ. რუსული სახელმწიფო მედია TASS-ის ცნობით, სხვა ქვეყნების ბანკებში ფულის გადარიცხვისთვის მეწარმეს უცხოურ ვალუტაში ანგარიშის გახსნა სჭირდება. საკომისიო ტარიფზე იქნება დამოკიდებული. ინფორმაციისთვის, „Точка“ რუსული ციფრული ბანკი ფიზიკური ოფისების გარეშე. ის ორიენტირებულია „იურიდიული პირებისთვის მომსახურების ეკოსისტემის შექმნასა და მეწარმეებისთვის დისტანციურ მომსახურებაზე. ბანკმა ლიცენზია რუსეთის ფედერაციის ცენტრალური ბანკისგან მიმდინარე წლის თებერვალში მიიღო. არჩილ მესტვირშვილის თქმით, ეროვნული ბანკი შეისწავლის, სანქცირებულია თუ არა რუსული ბანკი - Точка
ჩინეთის ბანკმა რუსებისთვის ევროპასა და აშშ-ში იუანში გადარიცხვები შეზღუდა - მედია
13 ივნისიდან, ჩინეთის ბანკმა რუსული ბანკის მომხმარებლებს, ევროკავშირში, შეერთებულ შტატებში, დიდ ბრიტანეთსა და შვეიცარიაში იუანში გადარიცხვები შეუზღუდა. ამის შესახებ Ekho Kavkaza RBC-ზე დაყრდნობით იუწყება. ერთ-ერთი რუსული ბანკის წარმომადგენლის თქმით, ჩინეთის ბანკმა შეაჩერა ფულადი გადარიცხვა საკორესპონდენტო ანგარიშების საშუალებით არამხოლოდ იუანში, არამედ, აშშ დოლარში, ევროსა და ჰონგ კონგურ დოლარებში. გამოცემის რესპონდენტის თქმით, შეზღუდვები მეორადი სანქციების რისკს უკავშირდება. რუსეთის საბანკო სექტორის წარმომადგენლები მიიჩნევენ, რომ რუსებისთვის შეზღუდვების შესახებ გადაწყვეტილება მიიღეს არა ჩინეთმა, არამედ, შეერთებულმა შტატებმა და ევროკავშირის ქვეყნებმა უკრაინაზე თავდასხმის შემდეგ რუსეთისთვის დაწესებული შეზღუდვების ფონზე. რუსული მედიის ცნობით, ექსპერტები აღნიშნავენ, რომ ევროკავშირსა და აშშ-ში ჩინურ ვალუტაში გადარიცხვების წილი მცირეა იუანში მთლიან გადარიცხვებთან შედარებით. ასეთი ოპერაციები შეიძლება, გამოიყენონ კერძო ინვესტორებმა ან ბიზნესის წარმომადგენლებმა. რუსეთის უკრაინაში შეჭრის შემდეგ, რუსეთის ეკონომიკა დასავლეთის ქვეყნების მხრიდან უპრეცედენტო სანქციების ზეწოლას განიცდის. ევროკავშირმა კერძო ბანკების მიმართ შეზღუდვები ახსნა იმით, რომ ისინი უზრუნველყოფენ სახელმწიფოს „სოლიდურ შემოსავალს“ და ეკონომიკაში მნიშვნელოვან როლს ასრულებენ.
