თეგი: სამველ მკრტჩიანი

გურგენ არსენიანი რუსეთში სომხეთის ელჩის თანამდებობიდან გაათავისუფლეს

სომხეთმა რუსეთში ელჩი შეცვალა. სომხეთის პრეზიდენტის ბრძანებულებაში დაკონკრეტებული არ არის ელჩის გათავისუფლების მიზეზები. სომხეთის პრეზიდენტის ბრძანებულებით, სამველ მკრტჩიანი რუსეთის ფედერაციაში სომხეთის რესპუბლიკის საგანგებო და სრულუფლებიან ელჩად დაინიშნა. მას 2018–2023 ეკავა ელჩის პოსტი პოლონეთში. ასევე მსახურობდა დიპლომატად ლიბანში. იყო საგარეო საქმეთა სამინისტროს ევროპის დეპარტამენტის ხელმძღვანელი და ეუთოს „მინსკის ჯგუფში“ სომხეთის მთავრობის წარმომადგენელი ჯგუფის წევრი. კარიერის განმავლობაში ის ასევე მუშაობა სომხეთის დროებით საქმეთა რწმუნებულის თანამდებობაზე ავსტრიაში, უნგრეთსა და სლოვაკეთში. იყო ელჩის მოადგილე ეუთოში, გაეროს სამრეწველო განვითარების ორგანიზაციასა და ატომური ენერგიის საერთაშორისო სააგენტოში. სომხური მედია 2026 წლის დასაწყისში წერდა, რომ ნიკოლ ფაშინიანის მთავრობა გეგმავდა მის შეცვლას, რადგან ვრცელდებოდა ვარაუდები, რომ მას ელჩ არსენიანს მთავრობასთან უთანხმოება ჰქონდა ქვეყნის პროდასავლური საგარეო პოლიტიკის გამო. არსენიანმა უარყო ასეთი ინფორმაცია და მას ჭორები უწოდა. 2026 წლის 3 ნოემბერს რუსეთის საგარეო საქმეთა სამინისტრომ ელჩი არსენიანი „თანამშრომლობისთვის“ მედლით დააჯილდოვა. მას ჯილდო საგარეო მინისტრის მოადგილე მიხაილ გალუზინმა გადასცა „რუსეთ-სომხეთის ურთიერთობების განვითარებასა და გაძლიერებაში შეტანილი წვლილისათვის“. გალუზინმა და არსენიანმა ასევე განიხილეს „ორმხრივი ურთიერთობებისა და რეგიონული დღის წესრიგის არაერთი საკითხი. გურგენ არსენიანი ელჩად 2024 წლის აგვისტოში დაინიშნა. 2000 წლიდან ის სომხეთის პარლამენტის წევრი იყო. ფაშინიანის გუნდამდე ის ექსპრეზიდენტების, რობერტ ქოჩარიანისა და სერჟ სარქიანის პარტიების წევრიც იყო. ფაშინიანი: დეკემბერში რუსეთში სამჯერ ჩავალ