ყაზბეგის მუნიციპალიტეტის მერი: გერგეტსა და სტეფანწმინდაში მეწყერი ჩამოწვა, ტერიტორია იწმინდება

სტეფანწმინდასა და გერგეტში მეწყერი ჩამოწვა, შემთხვევა დღის საათებში მოხდა. „ძალიან უხვი ნალექი მოვიდა, მხოლოდ დაბაში [სტეფანწმინდაში] და გერგეტში, სოფლებში არ ყოფილა წვიმა. ყოველთვის ჩამოდის ეგ მეწყერი, ახლაც ტექნიკა მუშაობს, იწმინდება ტერიტორია. ამ ეტაპზე მშვიდობაა. სოფელ გერგეტშიც ჩამოწვა მეწყერი და სტეფანწმინდაშიც. გერგეტში უფრო ახლოს იყო მოსახლეობასთან. ორი სახლის ეზოში შევიდა წყალი," - განუცხადა რადიო თავისუფლებას ყაზბეგის მუნიციპალიტეტის მერმა, ბაკურ ავსაჯანიშვილმა. საგანგებო სიტუაციების მართვის სამსახურში განაცხადეს, რომ შემთხვევა დღის საათებში მოხდა და მაშველების ჩართვის საჭიროება არ არსებობდა.