ავსტრიაში ზვავის გამო 8 ადამიანი დაიღუპა

ავსტრიაში, ტიროლში, 2 დღის განმავლობაში, ზვავის გამო, 8 ადამიანი დაიღუპა. სულ, 2 დღეში 3 ზვავი ჩამოწვა. მიზეზი ტემპერატურის მოულოდნელი მატებაა, რამაც თოვლის მასის მოწყვეტა გამოიწვია, - ამის შესახებ Reuters-ი წერს. იქამდე, კიდევ ერთ ზვავს 42 წლის ავსტრიელი მოთხილამურე და გიდი, ასევე, მასთან ერთად მყოფი 4 შვედი დამსვენებელი ემსხვერპლა. ამავე ჯგუფის ერთმა შვედმა წევრმა, სამაშველო სამსახურის გამოძახება შეძლო და გადარჩა.