მონტენეგროს იონი-ადრიატიკის მილსადენი, შესაძლოა, ტრანსადრიატიკის გაზსადენს დაუკავშირდეს

მონტენეგრო ბარის პორტის გავლით, აზერბაიჯანულ გაზზე წვდომითაა დაინტერესებული. ამის შესახებ ქვეყნის პრემიერ-მინისტრმა დრიტან აბაზოვიჩმა განაცხადა. მან აღნიშნა, რომ იონი-ადრიატიკის მილსადენის (IAP) პროექტის განხორციელება დიდ წვლილს შეიტანს ენერგიის წყაროების სტაბილურობასა და დივერსიფიკაციაში. მისივე თქმით, ეს საშუალებას მისცემს მონტენეგროსა და მეზობელ ქვეყნებს, კასპიის რეგიონსა და დასავლეთ ევროპას შორის ხიდის როლი შეასრულონ. IAP-ის მარშრუტი ასევე გაივლის მონტენეგროს ტერიტორიაზე. შემოთავაზებული იონიურ-ადრიატიკის მილსადენი შესაძლია ტრანსადრიატიკის მილსადენს (TAP) დაუკავშურდეს, რათა გაზის ტრანსპორტირება სამხრეთ-აღმოსავლეთ ევროპის ბევრ ქვეყანაში განხორციელდეს. 516 კილომეტრიანი მილსადენი გაივლის ალბანეთს, მონტენეგროს, ბოსნია და ჰერცეგოვინას და დასრულდება ხორვატიაში. მილსადენის გამტარუნარიანობა იქნება ხუთი მილიარდი კუბური მეტრი გაზი წელიწადში. TAP-მა უკვე გააფორმა ურთიერთგაგებისა და თანამშრომლობის მემორანდუმები ამ პროექტის შემქმნელებთან, კერძოდ, [Plinacro (ხორვატია), BH-Gas (ბოსნია და ჰერცეგოვინა), GeoplinPlinovodi (სლოვენია),] ასევე მონტენეგროსა და ალბანეთის მთავრობებთან. შექმნილია TAP-ისა და IAP-ის სამუშაო ჯგუფი, რომელიც რეგულარულად იკრიბება კავშირის ტექნიკურ საკითხებზე შესათანხმებლად. მონტენეგროს პრემიერ-მინისტრი მიესალმა აზერბაიჯანსა და ევროკომისიას შორის ენერგეტიკის სექტორში სტრატეგიული თანამშრომლობის შესახებ ურთიერთგაგების მემორანდუმის ხელმოწერას, რომელიც 2027 წლისთვის ქვეყნიდან გაზის მიწოდების გაორმაგებას ითვალისწინებს.