ირაკლი ღარიბაშვილი ანკარიდან ჰათაის პროვინციაში, ქალაქ ანთაქიაში გაემგზავრა

საქართველოს პრემიერ-მინისტრი ირაკლი ღარიბაშვილი ანკარიდან ჰათაის პროვინციაში, ქალაქ ანთაქიაში გაემგზავრა. ინფორმაციას მთავრობის ადმინისტრაცია ავრცელებს. ანკარის ესენბოღას საერთაშორისო აეროპორტიდან ღარიბაშვილი ანკარის გუბერნატორის მოადგილემ მურათ სოილუმ, ანკარას მერის მოვალეობის შემსრულებელმა სერჯან ჩიღგინიმ, ანკარის ჟანდარმერიის სარდლობის უფროსის მოადგილემ უღურ ურჰანმა და თურქეთის საგარეო საქმეთა სამინისტროს ორმხრივ პოლიტიკურ საკითხთა გენერალური დირექტორატის გენერალურმა დირექტორმა გოქან თურანმა გააცილეს. ირაკლი ღარიბაშვილი ანთაქიაში დელეგაციასთან ერთად გაემგზავრა.