თეგი: მაკდონალდსი
McDonalds-ი რუსეთში ყველა ფილიალს ხურავს
„მაკდონალდსი“ რუსეთში თავის ფილიალებს დროებით ხურავს. ინფორმაციას CNN ავრცელებს. ოფიციალური ცნობით, გასული წლის ბოლოს რუსეთში მაკდონალდსი 847 ლოკაციაზე იყო. „მაკდონალდსმა გადაწყვიტა, დროებით დახუროს ყველა ჩვენი რესტორანი რუსეთში და შეაჩეროს ყველა ოპერაცია რუსეთის ბაზარზე“, - განაცხადა აღმასრულებელმა დირექტორმა კრის კემპჩინსკიმ.მისივე თქმით, უკრაინაში ომმა უდანაშაულო ხალხის ტანჯვა გამოიწვია. „აგრესიისა და ძალადობის დაგმობაში დანარჩენ მსოფლიოს ვუერთდებით და ვლოცულობთ მშვიდობისთვის“, - აღნიშნავს კემპჩინსკი.
McDonalds-ის ნაცვლად რუსეთში „Вкусно и точка“ გაიხსნა
McDonalds-ის ნაცვლად რუსეთში „Вкусно и точка“ გაიხსნა. მედია წერს, რომ მენიუს Big Mac-ი აკლია, მაგრამ სხვა პოპულარული საკვები იყიდება. ორმაგი ჩიზბურგერის ფასი 129 რუბლს (1,82 ფუნტი; 2,31 აშშ დოლარი), ხოლო თევზის ბურგერის ფასი 169 რუბლს შეადგენს (2,38 £; 2,93 აშშ დოლარი). McDonald’s რუსეთის ბაზარს საბოლოოდ ტოვებს მოსკოვის ცენტრში ახალი ობიექტის გახსნა ყვირილით და პლაკატით - „დააბრუნე ბიგ მაკი“ გააპროტესტა ახალგაზრდა კაცმა, რომელიც რესტორნის თანამშრომლებმა ადგილიდან მალე გაიყვანეს.
„მაკდონალდსი“ უკრაინაში ხელახლა გაიხსნება
მიუხედავად იმისა, რომ რუსეთთან ომი გრძელდება, „მაკდონალდსმა“ (MCD.N) განაცხადა, რომ უკრაინაში მომდევნო რამდენიმე თვის განმავლობაში რესტორნებს გახსნის. მსოფლიოს უდიდესმა ქსელმა თავისი რესტორნები მარტში დახურა. „მაკდონალდსს“ უკრაინაში 109 რესტორანი ჰქონდა, მაგრამ არ დაუკონკრეტებია რამდენის გახსნას აპირებს. გადაწყვეტილება უკრაინელ ოფიციალურ პირებთან ვრცელი კონსულტაციებისა და დისკუსიის შემდეგ მივიღეთ, - განაცხადა პოლ პომროიმ, მაკდონალდსის საერთაშორისო გაყიდვების ხელმძღვანელმა.
ბუჩაში „მაკდონალდსი“ გაიხსნა
„მაკდონალდსმა“ საშობაო არდადეგების წინა დღეს, ბუჩაში რესტორანი კვლავ გახსნა, იტყობინება უკრაინული მედია. რესტორანი ბუჩაში 2022 წლის მარტში საომარი მოქმედებების დროს დაზიანდა, ის მანამდე, 2020 წლის 23 დეკემბერს გაიხსნა. რესტორანი 09:00-დან 21:00 საათამდე იმუშავებს და აღჭურვილია გენერატორით, რომელიც დაწესებულებას ელექტროენერგიის გათიშვის დროს უფრო სტაბილურად მუშაობის საშუალებას მისცემს. 20 სექტემბერს მაკდონალდსმა კიევში რესტორნების ეტაპობრივი გახსნა დაიწყო. 25 დეკემბრის მდგომარეობით, უკრაინაში 64 რესტორანი ფუნქციონირებს. ომამდე, უკრაინის 24 ქალაქში „მაკდონალდსის“ ქსელი 109 რესტორნისაგან შედგებოდა.
