რუსეული მედიის ცნობით, ე.წ.დონეცკის სახალხო რესპუბლიკის „უზენაესი სასამართლოს“ მოსამართლეზე თავდასხმა მოხდა, რომელიც მძიმე მდგომარეობაში კლინიკაში იმყოფება.
„ე.წ.დონეცკის სახალხო რესპუბლიკის „უზენაესი სასამართლოს“ მოსამართლე ალექსანდრ ნიკულინზე თავდასხმა 4 ნოემბერს, ქალაქ უგლეგორსკში მოხდა. მას იარაღიდან ესროლეს“, - ნათქვამია ე.წ.შინაგან საქმეთა სამინისტროს განცხადებაში..
შეგახსენებთ, რომ ნიკულინი „უზენაესი სასამართლოს“ მოსამართლედ 2022 წლის სექტემბერში დაინიშნა.
ზაფხულში ე.წ. „მოსამართლეთა კოლეგიას” თავმჯდომარეობდა, რომელმაც უკრაინის მხარეს მებრძოლ სამ უცხოელს - დიდი ბრიტანეთის მოქალაქეებს- შონ პინერსა და ეიდენ ასლინს, ასევე მაროკოს მოქალაქეს საადუნ ბრაჰიმს სასიკვდილო განაჩენი გამოუტანა.
