პოლონეთის თავდაცვის მინისტრმა, მარიუშ ბლაშჩაკმა ოთხშაბათს განაცხადა, რომ პოლონეთი 2023 წელს, წყალქვეშა ნავების შესყიდვის პროგრამის დაწყებას გეგმავს.
პოლონეთმა სამხედრო ხარჯები გაზარდა მას შემდეგ, რაც მეზობელ უკრაინაში რუსეთი შეიჭრა.
გასული წლის თებერვალში, მთავრობამ პირობა დადო, რომ გააორმაგებს ჯარის რაოდენობას და თავდაცვაზე მშპ-ს 4%-ს დახარჯავს.
„ჩვენ ვიწყებთ პროგრამის განხორციელებას. წელს ვგეგმავთ წყალქვეშა ნავების შესყიდვის პროცედურის დაწყებას“, - განაცხადა მინისტრმა.
