Reuters-ის ცნობით, აშშ-ის ადმინისტრაცია გეგმავს, უკრაინისთვის სამხედრო დახმარების ახალი პაკეტის შესახებ გამოაცხადოს.
ოფიციალური პირის თქმით, ეს ინფორმაცია აშშ-სა და უკრაინის პრეზიდენტების შეხვედრაზე, ხუთშაბათს გასაჯაროვდება.
„აშშ-ის პრეზიდენტი ჯო ბაიდენი გეგმავს გამოაცხადოს უკრაინისთვის 325 მილიონი დოლარის სამხედრო დახმარების პაკეტი ხუთშაბათს, რაც დაემთხვა ვაშინგტონში პრეზიდენტის ვოლოდიმირ ზელენსკის ვიზიტს,“ - ნათქვამია ინფორმაციაში.
კასეტური ბომბების გარდა, უკრაინისთვის განკუთვნილ დახმარების პაკეტში შედის ტანკსაწინააღმდეგო იარაღი, მართვადი მრავალჯერადი სარაკეტო სისტემის (GMLRS) რაკეტები მაღალი მობილურობის საარტილერიო სარაკეტო სისტემებისთვის (HIMARS) და Javelin-ის ტანკსაწინააღმდეგო რაკეტები.
