იუსტიციის მინისტრმა, რატი ბრეგაძემ „მინისტრის საათის“ ფორმატში პარლამენტში სიტყვით გამოსვლისას განაცხადა, რომ შეერთებულ შტატებთან ექსტრადიციის ხელშეკრულება უახლოეს პერიოდში გაფორმდება.
„უახლოეს პერიოდში გაფორმდება აშშ-სთან საერთაშორისო ხელშეკრულება ექსტრადიციის საკითხებზე, რის შემდეგაც აშშ-დან საქართველოში ბრალდებულთა/მსჯავრდებულთა ექსტრადიციის განხორციელება გახდება შესაძლებელი,“ - განაცხადა ბრეგაძემ.
აშშ-სა და საქართველოს შორის ექსტრადიციის შესახებ ორმხრივ ხელშეკრულებაზე შეთანხმება მიმდინარე წლის თებერვალში შედგა.
