რუსეთის მიერ უკრაინაში შეჭრის საპასუხოდ, სამხრეთ კორეის მთავრობა რუსეთისა და ბელორუსის წინააღმდეგ ექსპორტის კონტროლს აძლიერებს და მნიშვნელოვნად აფართოებს იმ საქონლის სიას, რომლებიც ექსპორტის შეზღუდვებს ექვემდებარება. აკრძალული საქონლის საერთო რაოდენობა 1159 ერთეულამდე გაიზრდება.
ცვლილებები, სავარაუდოდ, 2024 წლის დასაწყისში შევა ძალაში. ვაჭრობის, მრეწველობისა და ენერგეტიკის სამინისტროს ცნობით, სტრატეგიული საქონლით ვაჭრობის წესების ცვლილებების შესაბამისად, სამხრეთ კორეამ დაამატა კიდევ 682 საქონელი, რომელთა მიწოდებაც აკრძალულია რუსეთსა და ბელორუსში, მათ შორის, მძიმე სამშენებლო ტექნიკა, ბატარეები, თვითმფრინავების კომპონენტები და ა.შ.
