უკრაინის პრეზიდენტმა ვლადიმირ ზელენსკიმ განაცხადა, რომ საფრანგეთის პრეზიდენტი ემანუელ მაკრონი უახლოეს მომავალში ეწვევა უკრაინას.
„ჩვენ ველოდებით ემანუელ მაკრონის უკრაინაში ჩამოსვლას და ის აქ იქნება. როდის იქნება ის - უსაფრთხოების მიზეზების გამო, კონკრეტულ თარიღს არ ვამბობ, ეს მალე იქნება," - განაცხადა უკრაინის პრეზიდენტმა.
ზელენსკის თქმით, მაკრონის ვიზიტით, "უკრაინის მხარდაჭერის შესახებ კიდევ რამდენიმე დეტალი გამოჩნდება: მნიშვნელოვანი, ახალი."
„თუ არტილერიაზე ვსაუბრობთ, ემანუელმა იცის, რომ ჩვენ მადლობელი ვართ CAESAR-ის სისტემებისთვის, ის კარგად მუშაობს... ჩვენ ველით რამდენიმე ათეულ საარტილერიო სისტემას საფრანგეთის მხრიდან და ჩვენი პარტნიორებისგან. ჯერ კიდევ არის რაღაცეები, მაგრამ მათ შესახებ მოგვიანებით. როცა ჩამოვა," - განაცხადა ზელენსკიმ.
16 თებერვალს, უკრაინის პრეზიდენტის პარიზში ვიზიტის დროს, მაკრონმა განაცხადა, რომ უახლოეს მომავალში კიევში ჩავა.
მაკრონის ვიზიტის კონკრეტული თარიღი ამ დროისთვის უცნობია.
