აჭარის ფინანსთა და ეკონომიკის მინისტრის მოადგილემ, სულხან ღლონტმა თანამდებობა დატოვა. ინფორმაცია აჭარის მაუწყებელს ეკონომიკის სამინისტროში დაუდასტურეს და განმარტეს, რომ თანამდებობა მან პირადი განცხადების საფუძველზე დატოვა.
სულხან ღლონტმა აჭარის მაუწყებელს განუცხადა, რომ გადაწყვეტილება პოლიტიკას არ უკავშირდება და თანამდებობიდან წასვლა რამდენიმე თვის წინაც ითხოვა, რაც საცხოვრებელი ადგილის ცვლილებით იყო განპირობებული. სულხან ღლონტი აჭარის ეკონომიკის მინისტრის მოადგილედ 2019 წელს დაინიშნა, მანამდე ის აჭარის ტურიზმისა და კურორტების დეპარტამენტს ხელმძღვანელობდა.
