თეგი: ვლადიმერ ზელენსკი
ვოლოდიმირ ზელენსკი კიევში დიდი ბრიტანეთის თავდაცვის მდივან ბენ უოლესს შეხვდა
ვაფასებთ ასეთ ნამდვილ, გაერთიანებულ მუშაობას, როდესაც სიტყვები, დაპირებები მუდმივად იქცევა ქმედებებად, - უკრაინის პრეზიდენტი ვოლოდიმირ ზელენსკი კიევში დიდი ბრიტანეთის თავდაცვის მდივან ბენ უოლესს შეხვდა. ამის შესახებ ინფორმაციას უკრაინის პრეზიდენტი ვოლოდიმირ ზელენსკი სოციალურ ქსელ „ფეისბუქში“ ავრცელებს. „იარაღი, ფინანსები, სანქციები ეს სამი რამ არის, რაშიც დიდი ბრიტანეთი უკრაინის მხარდაჭერაში თავის ლიდერობას აჩვენებს. ვაფასებთ ასეთ ნამდვილ, გაერთიანებულ მუშაობას, როდესაც სიტყვები, დაპირებები მუდმივად იქცევა ქმედებებად. მადლობელი ვარ თავდაცვის მინისტრ ბენ უოლესისა და მისი გუნდის ამ ვიზიტისთვის, ასევე დიდი ბრიტანეთის მთავრობის, პრემიერ-მინისტრის დახმარებისთვის“, – წერს უკრაინის პრეზიდენტი სოციალურ ქსელ „ფეისბუქში“. ცნობისთვის, 2022 წლის 24 თებერვალს რუსეთის პრეზიდენტმა ვლადიმერ პუტინმა უკრაინაში სრულმასშტაბიანი ომი დაიწყო. რუსეთი ბომბავს საბავშვო ბაღებს, სკოლებს, საცხოვრებელ კორპუსებს, საავადმყოფოებს, სამშობიაროებს და სხვა სამოქალაქო დანიშნულების შენობა-ნაგებობებსა და ინფრასტრუქტურას. 12 აპრილს, აშშ-ის პრეზიდენტმა ჯო ბაიდენმა რუსეთის პრეზიდენტი ვლადიმერ პუტინი გენოციდში დაადანაშაულა. 14 აპრილს უკრაინის უმაღლესმა რადამ რუსეთის შეიარაღებული ძალების მოქმედებები უკრაინელი ხალხის წინააღმდეგ გენოციდად აღიარა. 19 აპრილს, რუსეთმა აღმოსავლეთ უკრაინაში აქტიური იერიში დაიწყო. 21 აპრილს, ლატვიისა და ესტონეთის პარლამენტებმა უკრაინაში რუსეთის ქმედებები გენოციდად აღიარეს. 28 აპრილს, უკრაინაში რუსეთის ქმედებები გენოციდად ასევე აღიარა კანადის პარლამენტმა. 11 მაისს, უკრაინაში რუსეთის ქმედებები გენოციდად ჩეხეთის სენატმაც აღიარა. 6 მაისს, ირლანდიის სენატმა რუსეთის ქმედებები უკრაინაში გენოციდად მიიჩნია. რუსეთის ძალებმა 2022 წლის 4-დან 31 მარტამდე უკრაინის დედაქალაქ კიევიდან ჩრდილო-დასავლეთით 30 კილომეტრში მდებარე ქალაქ ბუჩის ოკუპაციის დროს ომის აშკარა დანაშაულები ჩაიდინეს, ნათქვამია Human Rights Watch-ის 21 აპრილს გამოქვეყნებულ დეტალურ ანგარიშში. ორგანიზაციამ ომის დანაშაულის და კაცობრიობის წინააღმდეგ პოტენციური დანაშულის მტკიცებულებები შეაგროვა. დასავლეთი რუსეთს მძიმე სანქციებს უწესებს და უკრაინას სამხედრო და ეკონომიკურ დახმარებას უწევს. ომის დანაშაულში ბრალდებული პირველ რუსი ჯარისკაცს უკრაინის სასამართლომ სამუდამო პატიმრობა მიუსაჯა. 31 მაისს, კიდევ ორ რუს ჯარისკაცს უკრაინის სასამართლომ ომის დანაშაულისთვის 11 წლით თავისუფლების აღკვეთა მიუსაჯა.
მაკრონის განცხადებით, საფრანგეთი რუსეთს ტერორიზმის სპონსორ სახელმწიფოდ არ აღიარებს
რუსეთის სარაკეტო დარტყმა, უკრაინაში, კრემენჩუკის სავაჭრო ცენტრზე, არის „სამხედრო დანაშაული“. საფრანგეთი უკრაინას დახმარებას გაუწევს იქამდე, ვიდრე ეს საჭირო იქნება, - ეს განცხადება საფრანგეთის პრეზიდენტმა ემანუელ მაკრონმა გერმანიაში, G7-ის სამიტის შემდეგ გამართულ პრეს-კონფერენციაზე გააკეთა. აშშ-ის სენატის კომიტეტმა, რუსეთის ტერორიზმის მხარდამჭერ ქვეყნად გამოცხადების შესახებ რეზოლუცია მიიღო „რუსეთს არ შეუძლია და არ უნდა მოიგოს ეს ომი, რადგან ჩვენი მხარდაჭერა უკრაინასთან მიმართებით და სანქციები რუსეთის წინააღმდეგ გაგრძელდება იქამდე ვიდრე ეს აუცილებელი იქნება. უკრაინის დახმარება გაგრძელდება უახლესი კვირები და თვეები“, - აღნიშნა მაკრონმა. ამასთან საფრანგეთის პრეზიდენტმა აღნიშნა, რომ რუსეთისთვის „ტერორიზმის სპონსორი სახელმწიფოს“ სტატუსის კვალიფიკაციის მინიჭება, მიუღებელია. „ჩვენ არ გვჭირდება კვალიფიკაციები, იმისთვის, რომ მოსკოვის წინააღმდეგ სანქციები შემოვიღოთ“, - განაცხადა საფრანგეთის პრეზიდენტმა. ამ შეფასებას, წინ უსწრებდა უკრაინის პრეზიდენტის ვოლოდიმირ ზელენსკის მოწოდება, რომ რუსეთი ტერორიზმის სპონსორ სახელმწიფოდ აღიარონ. ცნობისათვის, ტერორიზმის სპონსორი ქვეყნების სიას აშშ-ს სახელმწიფო დეპარტამენტი ადგენს. ამ ჩამონათვალში არიან: კუბა, ჩრდილოეთ კორეა, ირანი და სირია.
