თეგი: რუსეთ-ურაინის ომი
უკრაინა ცხრა რუსული დრონის ჩამოგდების შესახებ იუწყება
უკრაინის საჰაერო ძალების ინფორმაციით, რუსების მიერ გაშვებული Shahed-ის ტიპის 14 დრონიდან 9 დრონი ჩამოაგდეს. დრონების სამიზნეს დნეპროპეტროვსკის ოლქის ენერგეტიკული ინფრასტრუქტურა წარმოადგენდა. უკრაინის გენშტაბის ინფორმაციით, ბოლო 24 საათის განმავლობაში, რუსებმა უკრაინის ტერიტორიაზე 2 სარაკეტო და 86 საჰაერო დარტყმა განახორციელეს. ასევე წაიკითხეთ: თითქმის ყველა ომი მოლაპარაკებების მაგიდასთან მთავრდება, ერთი გამონაკლისის გარდა - იან ბონდი
რიაზანის ნავთობგადამამუშავებელ ქარხანას, სავარაუდოდ, ისევ დრონებით შეუტიეს
გამთენიისას აფეთქებები მოხდა რუსეთის ქალაქ რიაზანში. ტელეგრამ-არხების, ASTRA-ს და Baza-ს ინფორმაციით, დრონებით შეტევა იყო ნავთობგადამამუშავებელ ქარხანაზე, რომლის ტერიტორიაზე ხანძარი გაჩნდა. რიაზანის ოლქზე უპილოტო საფრენი აპარატით შეტევა დაადასტურა ადგილობრივმა გუბერნატორმა პაველ მალკოვმა. მას სამიზნე და შედეგები არ დაუკონკრეტებია. რიაზანის ოლქში ერთი „უკრაინული დრონის განადგურების“ შესახებ იუწყება რუსეთის თავდაცვის სამინისტრო. შედეგებს არც ის ასახელებს. უკრაინულ მხარეს დღევანდელი შეტევის შესახებ ჯერჯერობით არაფერი უთქვამს.
