თეგი: საპროტესტო ნოტა
აზერბაიჯანმა რუსეთს საპროტესტო ნოტა გაუგზავნა
აზერბაიჯანმა რუსეთს საპროტესტო ნოტა გაუგზავნა. ამის შესახებ მოსკოვში, აზერბაიჯანის საელჩოს განცხადებაშია ნათქვამი. განცხადების თანახმად, აზერბაიჯანის რესპუბლიკის საელჩომ, რუსეთის ფედერაციაში ოფიციალური საპროტესტო ნოტა გაუგზავნა რუსეთის საგარეო საქმეთა სამინისტროს 2022 წლის 20 და 21 ოქტომბერს პირველი არხის გადაცემის „დიდი თამაშის“ ეთერში გაკეთებულ მტრულ განცხადებებთან დაკავშირებით. „გადაცემის ეთერში, სომხური წარმოშობის რუსი პოლიტოლოგები და ექსპერტები ახორციელებდნენ გულწრფელ ანტიაზერბაიჯანულ თავდასხმებს, კითხვის ნიშნის ქვეშ დადგა აზერბაიჯანის რესპუბლიკის ტერიტორიული მთლიანობა და დამახინჯდა ეთერში ჩვენებისას, ჩვენი ქვეყნის გეოგრაფიული რუკა“, - ნათქვამია განცახდებაში. აზერბაიჯანის მიერ რუსეთისთვის გაგზავნილ საპროტესტო ნოტაში ხაზგასმულია, რომ თოქ-შოუს სტუმრები „თავიანთი გამოსვლებით აპროვოცირებენ სომხურ საზოგადოებაში რევანშისტურ ძალებს, აცოცხლებენ წარსულში დარჩენილ კონფლიქტს და ღიად უჭერენ მხარს სეპარატიზმს, თესენ მტრობას ორ ხალხს შორის“. საელჩომ აღნიშნა, რომ მიკერძოებული განცხადებების გამოყენება სახელმწიფო ტელევიზიაზე და აშკარა პოლიტიკური პროვოკაციების აღიარება არა მხოლოდ ეწინააღმდეგება რუსეთის ოფიციალურ პოზიციას, რომელიც არაერთხელ გამოთქვა ქვეყნის პრეზიდენტმა, არამედ ძირს უთხრის გრძელვადიან პერსპექტივის უზრუნველსაყოფად გადადგმულ ნაბიჯებს. „რეგიონში ჩამოყალიბებული მყიფე მშვიდობის კონტექსტში, მედიის წარმომადგენლებს განსაკუთრებული პასუხისმგებლობა ეკისრებათ პროვოკაციების აღკვეთაზე, რამაც შესაძლოა, დაძაბულობა და ვითარების გამწვავება გამოიწვიოს“, - ნათქვამია განცხადებაში.
ყარაბაღში წიაღისეულის უკანონო ექსპლუატაციის გამო აზერბაიჯანმა რუსეთს ნოტა გაუგზავნა
აზერბაიჯანის საინფორმაციო სააგენტოს ცნობით მთიან ყარაბაღში წიაღისეულის უკანონო ექსპლუატაციის გამო აზერბაიჯანმა რუსეთს დიპლომატიური ნოტა გაუგზავნა. აზერბაიჯანის საგარეო საქმეთა სამინისტროს პრესსამსახურის ხელმძღვანელმა, აიხან ჰაჯიზადემ აზერბაიჯანულ მედიას განუცხადა, რომ აზერბაიჯანულმა მხარემ არაერთხელ მიმართა სამშვიდობო კონტინგენტის სარდლობას, თავიდან აიცილოს ბუნებრივი რესურსების უკანონო ექსპლუატაცია იმ ტერიტორიებზე, სადაც დროებით რუსი სამშვიდობოები არიან განლაგებული. „ხშირ შემთხვევაში, აზერბაიჯანული მხარის ეს მიმართვები უპასუხოდ რჩებოდა და ბუნებრივი რესურსების უკანონო ექსპლუატაციის აღსაკვეთად არანაირი ღონისძიება არ გატარებულა. ჩვენი ინფორმაციით, ეს განსაკუთრებით ეხება კიზილბულაგის ოქროს და დემირლის სპილენძ-მოლიბდენის საბადოებს",- აღნიშნა აიხან ჰაჯიზადემ. ჰაჯიზადემ აღნიშნა ისიც, რომ აზერბაიჯანის წარმომადგენლებს კიზილბულაგისა და დემირლის საბადოების ტერიტორიაზე არ უშვებენ. მისივე თქმით, აზერბაიჯანულმა მხარემ არაერთხელ მიმართა სამშვიდობო კონტინგენტის სარდლობას, თავიდან აიცილოს ბუნებრივი რესურსების უკანონო ექსპლუატაცია იმ ტერიტორიებზე, სადაც დროებით რუსი სამშვიდობოები არიან განლაგებული. აზერბაიჯანის საგარეო საქმეთა სამინისტროს ცნობით, 10 დეკემბერს, აზერბაიჯანის ეკონომიკისა და ეკოლოგიის სამინისტროების წარმომადგენლები მივიდნენ გიზილბულაგისა და დამირლის საბადოებზე, რათა იქ, შესაძლო უკანონო მოპოვებასთან დაკავშირებით მონიტორინგი განეხორციელებინათ. „ადგილობრივმა აქტივისტთა ჯგუფმა“ ოფიციალურ პირებს შახტების ტერიტორიაზე შესვლის უფლება არ მისცეს. აზერბაიჯანის საგარეო საქმეთა სამინისტროში აცახდებენ, რომ ეს დაუშვებელია, რადგან მონიტორინგის შესახებ შეთანხმება აზერბაიჯანულ მხარესა და RMK-ს სარდლობას შორის მოლაპარაკებებზე წინასწარ იყო მიღწეული.
