სტამბოლი-ბათუმის რეისი უამინდობის გამო, ბათუმის აეროპორტში ვერ ჯდებოდა

სტამბოლი-ბათუმის ​რეისი ბოლო რამდენიმე წუთი, უამინდობის გამო უშედეგოდ ცდილობდა ბათუმის საერთაშორისო აეროპორტში დაჯდომას. რადიო თავისუფლების ცნობით, თვითმფრინავმა შავი ზღვის თავზე 10-მდე წრე დაარტყა. აეროპორტის მმართველ "ტავ ჯორჯიაში" განაცხადეს, რომ თვითმფრინავი ქარისა და წვიმის გამო ვერ ჯდებოდა. აეროპორტის პრესსამსახურის თანახმად, თვითმფრინავმა დაშვება 14:01 საათზე შეძლო.