რუსეთის პრეზიდენტმა ვლადიმერ პუტინმა, რუსული არმიის დაკომპლექტების შესახებ ბრძანებას მოაწერა ხელი.
ბრძანების მიხედვით, სამხედრო პერსონალი 137 000 ადამიანით გაიზრდება. ეს მხოლოდ სამხედრო მოსამსახურეების რაოდენობის ხარჯზე მოხდება - ჯარში სამოქალაქო პერსონალის რაოდენობა უცვლელი დარჩება.
კონკრეტულად როგორ გაიზრდება სამხედრო მოსამსახურეების რაოდენობა - დამატებითი გაწვევით, თუ საკონტრაქტო ჯარისკაცების რაოდენობის გაზრდით - ბრძანებაში არ არის მითითებული.
ბრძანება ძალაში 2023 წლის პირველი იანვრიდან შევა.
