გუშინ გვიან ღამით, წალენჯიხის მუნიციპალიტეტის მერს, გია ხარჩილავას, ავტომობილს ცეცხლი გაუჩნდა და სრულად დაიწვა. ამის შესახებ ინფორმაციას პარტია "ლელო - საქართველოსთვის" წევრი, მერის მოადგილე თამარ ბელქანია სოციალურ ქსელში ავრცელებს.
ამასთან, გავრცელებული ინფორმაციით, გია ხარჩილავას ავტომანქანა, რომელიც სახლის წინ იდგა, უცნობმა პირებმა დაწვეს.
"შემთხვევა ღამის დაახლოებით 4 საათზე მოხდა. არსებული ინფორმაციით, ინციდენტის შედეგად არავინ დაშავებულა. მანქანის ნაწილები პოლიციის შენობაშია გადატანილია", - აცხადებს ბელქანია.
