რუსეთმა, აშშ-ის 200 მოქალაქეს სანქციები დაუწესა, რომელთაც რუსეთში შესვლა აეკრძალებათ.
„მათ შორის არიან ხელისუფლებისა და კანონმდებლების ცალკეული წარმომადგენლები, ასევე მათი ახლო ნათესავები, სამხედრო-სამრეწველო კომპლექსის კომპანიებისა და საწარმოების ხელმძღვანელები, ექსპერტები და ლობისტები, რომლებიც მონაწილეობენ რუსოფობიური კამპანიის ხელშეწყობასა და კიევის რეჟიმის მხარდაჭერაში“,- ნათქვამია რუსეთის საგარეო საქმეთა სამინისტროს განცხადებაში.
სანქცირებული პირთა შორის არიან აშშ-ს პრეზიდენტის ჯო ბაიდენის და, ვალერი ოუენსი და მისი ორი ძმა ჯეიმსი და ფრენსისი.
სიაში ასევე არიან, თეთრი სახლის პრესმდივანი, კარინე ჟან-პიერი, კონგრესმენები და სენატორები, ოფიციალური პირები და მათი ოჯახები, ბიზნესმენები, საკონსულტაციო კომპანიების ხელმძღვანელები.
სრული სია, რუსეთის საგარეო საქმეთა სამინისტროს ვებგვერდზე გამოქვეყნდა.
