სრულიად საქართველოს კათოლიკოს-პატრიარქი არქიმანდრიტ საბა ჟღენტის გარდაცვალების გამო სამძიმრის წერილს აქვეყნებს.
,,მის მაღალ ყოვლადუსამღვდელოესობას მროველ-ურბნელ მიტროპოლიტ იობს (აქიაშვილი) დიდად ვწუხვართ სქემ-არქიმანდრიტ საბას (ჟღენტი) გარდაცვალების გამო და ვუსამძიმრებთ ყველას, ვისთვისაც ძვირფასი იყო და არის ეს პიროვნება.
მან სასულიერო ცხოვრების წესი გასული საუკუნის 90-იან წლებში აირჩია და დაუღალავად იღვაწა; არაერთი ეკლესია ააშენა და მრავალი კეთილი საქმე აღასრულა.
ღმერთმა აცხონოს სქემ-არქიმანდრიტ საბას უკვდავი სული და სავანე მართალთა დაუმკვიდროს, ამინ!", - აღნიშნულია პატრიარქის სამძიმრის ტექსტში, რომელსაც საპატრიარქო აქვეყნებს.
