ამერიკელი მომღერალი, თინა თერნერი 83 წლის ასაკში გარდაიცვალა.
თინა თერნერს ბოლო წლებში ჯანმრთელობის მრავალი პრობლემა ჰქონდა. ხანგრძლივი ავადმყოფობის შემდეგ, შვეიცარიაში, ციურიხის მახლობლა, თავის სახლში გარდაიცვალა.
თერნერმა კარიერა 1950-იან წლებში, როკ-ენ-როლის ადრეულ წლებში დაიწყო აიკ ტერნერთან, მის მეუღლესთან ერთად. წარმატება დუეტს მოუტანა სინგლმა „Proud Mary“.
ჰიტებმა - The Best და What's Love Got To Do With It, თერნერი სუპერვარსკვლავად აქცია. თერნერი არის რვა გრემის მფლობელი.
მეუღლესთან განშორების შემდეგ, თინა თერნერმა გამოსცა ავტობიოგრაფიული წიგნი - „მე, ტინა“ (1977).
მუსიკალურ კარიერასთან ერთად ტინამ მონაწილეობა მიიღო სხვადასხვა ფილმშიც. აღსანიშნავია მისი მონაწილეობა როკ-ოპერაში „ტომი“ და მიუზიკლში „სერჟანტ პეპერის მარტოსული გულების კლუბის ბენდი“.
თუმცა მის ყველაზე წარმატებულ კინოროლად ითვლება პერსონაჟი ფილმიდან - შეშლილი მაქსი. ამ ფილმისათვის მის მიერ დაწერილი სიმღერა - "We Don't Need Another Hero" ასევე დიდი წარმატებით სარგებლობდა.
როგორც მსოფლიოს შოუ-ბიზნესის ერთ-ერთი ცნობილი ადამიანი, თინა თერნერი ჟურნალ „როლინგ სტოუნის“ მიერ დასახელებულია ყველა დროის ყველაზე წარმატებულ როკ-მომღერალ ქალბატონად და ყველა დროის ერთ-ერთ უდიდეს მომღერლად.
მისი დისკების გაყიდული ასლების რაოდენობა 200 მილიონს შეადგენს. სტატისტიკით, მან გაყიდა ბევრად მეტი საკონცერტო ბილეთი, ვიდრე სხვა სოლო-შემსრულებელმა მუსიკის ისტორიაში. 2008-2009 წლებში თერნერმა მოაწყო საიუბილეო ტურნე, რომელიც მის 50-წლიან მუსიკალურ კარიერას აღნიშნავდა.
2021 წელს ის როკ-ენ-როლის დიდების დარბაზში, როგორც სოლო არტისტი შეიყვანეს. პირველად კი ამ სიაში აიკ ტერნერთან ერთად, 1991 წელს მოხვდა.