„კასეტური საბრძოლო მასალები უკიდურესად მნიშვნელოვანია უკრაინისთვის. ისინი გარკვეულწილად აანაზღაურებენ ჩვენი ჭურვების დეფიციტს და ნაწილობრივ აღადგენენ თანასწორობას ბრძოლის ველზე,“ - უკრაინის პრეზიდენტის ადმინისტრაციის ხელმძღვანელის მრჩეველი, მიხაილო პოდოლიაკი Twitter-ზე წერს, რომ რუსეთს მხოლოდ მისთვის გასაგებ ენაზე - პროპორციული ძალით უნდა ელაპარაკო.
„იმის გათვალისწინებით, რომ რუსეთი ერთ წელზე მეტი ხნის განმავლობაში იყენებს ამ ტიპის საბრძოლო მასალას უკრაინაში, ეს სულ მცირე სამართლიანია და რეალურად რუსეთს მხოლოდ მისთვის გასაგებ ენაზე უნდა ელაპარაკო - პროპორციული ძალით“, - აცხადებს მიხაილო პოდოლიაკი.
შეგახსენებთ, 7 ივლისს ამერიკის შეერთებულმა შტატებმა უკრაინის დახმარების ახალი, 800 მილიონი აშშ დოლარის ღირებულების პაკეტის შესახებ გამოაცხადა, რომელიც კასეტურ საბრძოლო მასალასაც მოიცავს.
