უკრაინის თავდაცვის ძალები აგრძელებენ შეტევითი ოპერაციების ჩატარებას ბახმუტის, მელიტოპოლის და ბერდიანსკის მიმართულებებზე და ზოგიერთ სექტორში პროგრესს მიაღწიეს. ამის შესახებ გენერალურმა შტაბმა განაცხადა.
„ჩვენი ჯარები აგრძელებენ შეტევას ქალაქ ბახმუტის ჩრდილოეთით და სამხრეთით. აქ, შეტევის სამხრეთ ფლანგზე, მათ ნაწილობრივი წარმატება მიაღწიეს. ისინი ამაგრებენ მიღწეულ ხაზებს", - ნათქვამია გენერალური შტაბის ინფორმაციაში.
ომის დაწყების შემდეგ, უკრაინამ რუსი ოკუპანტებისგან 1900-მდე დასახლება გაათავისუფლა.
ISW 11 ივლისს წერდა, რომ უკრაინამ 5 კვირაში დაიბრუნა თითქმის იმდენი ტერიტორია, რამდენიც რუსეთმა 6 თვეში დაიპყრო.
