თეთრი სახლის პრესსპიკერის განცხადებით, არ არსებობს იმის შესაძლებლობა, რომ პრეზიდენტმა ჯო ბაიდენმა თავისი შვილი, ჰანთერ ბაიდენი შეიწყალოს.
თეთრ სახლში გამართულ ტრადიციულ პრესკონფერენციაზე ჟურნალისტის დასმულ შეკითხვას, შესაძლებელია თუ არა, რომ ბაიდენმა თავისი ვაჟი შეიწყალოს, თეთრი სახლის სპიკერმა კარინე ჟან-პიერმა უპასუხა: „არა.“
ჰანთერ ბაიდენს 2017 და 2018 წლებში 1,5 მილიონ დოლარზე მეტი შემოსავალზე გადასახადების გადაუხდელობა ედება ბრალად.
ჯო ბაიდენის ვაჟმა საშემოსავლო გადასახადების განზრახ გადაუხდელობის თაობაზე ორი ბრალდება აღიარა. გადაწყვეტილება იუსტიციის სამინისტროსთან გარიგების ფარგლებშია მიიღეს.
კიდევ ერთი გამოძიება ბაიდენის ვაჟს ედავება, რომ მან 2018 წელს ცეცლხსასროლი იარაღი შეიძინა, როდესაც ნარკოტიკებზე იყო დამოკიდებული. BBC-ის თანახმად, მოსალოდნელია, რომ ბრალდებული მედიკამენტურ მკურნალობასა და დაკვირვებას დათანხმდება.
„ამერიკის შეერთებული შტატების პრეზიდენტს და პირველ ლედის უყვართ და მხარს უჭერენ თავიანთ შვილს, ვინაიდან ის აგრძელებს თავისი ცხოვრების აღდგენას. ჩვენ სხვა კომენტარი არ გვექნება,“ - ნათქვამია თეთრი სახლის განცხადებაში, რომელიც 20 ივნისს გამოქვეყნდა.
