რუსული ძალების მიერ დღეს დილით კიევზე დრინებითა და რაკეტებით თავდასხმას 2 ადამიანი ემსხვერპლა. ამის შესახებ კიევის სამხედრო ადმინისტრაციის ხელმძღვანელი, სერგეი პოპკო იუწყება.
პოპკოს თქმით, უკრაინის საჰაერო თავდაცვამ 20-ზე მეტი სამიზნე გაანადგურა
„კიევს გაზაფხულის შემდეგ ასეთი ძლიერი თავდასხმა არ განუცდია. მტერმა განახორციელა მასიური, კომბინირებული შეტევა დრონებისა და რაკეტების გამოყენებით," - აცხადებს პოპკო.
მისივე თქმით, რუსებმა თავდპირველად უპილოტო საფრენი აპარატები (წინასწარი მონაცემებით, Shahed-ის დრონები) გამოიყენეს, შემდეგ კი Ту-95мс ტიპის სტრატეგიული თვითმფრინავიდან რაკეტები გაუშვეს.
„საჰაერო თავდაცვის ძალებითა და საშუალებებით მტრის 20-ზე მეტი სამიზნე განადგურდა," - აცხადებს სერგეი პოპკო.
თავის მხრივ, დედაქალაქის მერის, ვიტალი კლიჩკოს თქმით, უკრაინის საჰაერო თავდაცვის მიერ განადგურებული სამიზნეების ნამსხვრევები უკრაინის დედაქალაქში რამდენიმე შენობას მოხვდა.
