ლატვიის თავდაცვის მინისტრმა, ანდრის სპრუდსმა რამშტაინის სამიტის შემდეგ განაცხადა, რომ მისი ქვეყანა უკრაინას მეტ დახმარებას გაუგზავნის.
„ლატვია უკრაინას გაუგზავნის დამატებით სამხედრო მხარდაჭერას, რომელიც მოიცავს უმთავრეს კრიტიკულ შესაძლებლობებს - დამატებით ნაღმტყორცნებს, საჰაერო თავდაცვის სისტემებს და დიდი კალიბრის საბრძოლო მასალას,“ - განაცხადა სპრუდსმა.
ლატვიის თავდაცვის სამინისტრომ განაცხადა, რომ რუსეთის სრულმასშტაბიანი ომის დაწყებიდან, ლატვიის სამხედრო დახმარებამ ქვეყნის მთლიანი შიდა პროდუქტის 1%-ზე მეტს მიაღწია.
