ე.წ. უცხოური აგენტების კანონის ხელახალი ინიცირების გამო თანამდებობა დატოვა ივლიანე ხაინდრავამ. ის ბოლო 5 წლის განმავლობაში იყო შერიგებისა და სამოქალაქო თანასწორობის საკითხებში სახელმწიფო მინისტრის მრჩეველი.
„დღეს დავწერე განცხადება... დავტოვე თანამდებობა იმის გამო, რომ არ ვეთანხმები იმ კურსს, რომელსაც მივყავართ სამოქალაქო დაპირისპირებამდე. ვგულისხმობ, კანონპროექტს და ყველაფერ იმას, რაც მოჰყვა მის მეორედ შემოტანას...“ - ამბობს ივლიანე ხაინდრავა რადიო თავისუფლებასთან საუბრის დროს.
ივლიანე ხაინდრავა მინისტრის მრჩევლის თანამდებობას 2019 წლის იანვრიდან იკავებდა.
