ევროპამ კოსმოსიდან ზუსტი დარტყმებისთვის განკუთვნილი იარაღის შემუშავება დაიწყო

Defense News-ის ცნობით, ევროპულმა რაკეტების მწარმოებელმა MBDA-მ და გერმანულმა სტარტაპმა Atmos Space Cargo-მ გადაწყვიტეს, შეექმნათ იარაღი, რომლის გაშვებაც ორბიტიდან იქნება შესაძლებელი.


Atmos-ის აღმასრულებელი დირექტორის, სებასტიან კლაუსის თქმით, ევროპას ორბიტალური იარაღი სჭირდება, რათა შეავსოს თავისი შემაკავებელი შესაძლებლობების ხარვეზი, რომელსაც შორ მანძილზე მოქმედი ზუსტი დარტყმების განხორციელება შეუძლია.


მან მარტში წარმოადგინა ამ ტიპის ჩვეულებრივი იარაღის ტექნიკურ-ეკონომიკური დასაბუთების კვლევა, რომელსაც დედამიწის ნებისმიერ წერტილში, ნებისმიერი ლეგიტიმური სამხედრო სამიზნეზე, რაკეტების ორბიტიდან გაშვება შეეძლება.


NATO-ს ახალი გეგმა, რომელიც ევროპაში მოკავშირეთა ძალების უმაღლესი მთავარსარდლის, ალექსუს გრინკევიჩის ხელმძღვანელობით შემუშავდა, რუსეთის შეჭრის შემთხვევაში აქტიურ ზომებს მოიცავს - დარტყმებს სამხედრო ბაზებზე, საწყობებზე, მომარაგების მარშრუტებსა და სამრეწველო ობიექტებზე, რომლებიც ფრონტის ხაზის მიღმა, თავად რუსეთში მდებარეობს. ასეთი „სიღრმისეული“ დარტყმები გულისხმობს ზუსტი რაკეტებისა და დრონების გამოყენებას ფრონტის ხაზის მიღმა დაახლოებით 150-დან რამდენიმე ათას კილომეტრამდე მანძილზე.


თუმცა, ასეთი რაკეტების მფლობელი, ძირითადად, შეერთებული შტატებია. მაგალითად, ექვსი თვის წინ, დონალდ ტრამპის ადმინისტრაციამ, გერმანიაში 2500 კმ-მდე მოქმედების რადიუსის მქონე „ტომაჰავკის“ ფრთოსანი რაკეტებით აღჭურვილი ბატალიონის განლაგებაზე უარი თქვა. თავდაპირველად, ეს ღონისძიება უნდა შესრულებულიყო მაშინ, როდესაც ევროპა თავად შეიმუშავებდა ასეთ რაკეტებს. ბატალიონის განლაგება წლის ბოლომდე იგეგმებოდა.