თეგი: მისია მთვარეზე
აშშ-ის მიერ მთვარეზე გაშვებულ ხომალდს ტექნიკური პრობლემები შეექმნა
აშშ-ის მიერ მთვარეზე გაშვებულ ხომალდს, აფრენიდან 7 საათში, ტექნიკური პრობლემები შეექმნა. განცხადებას კომპანია ავრცელებს, რომლის თანახმად, კოსმოსურმა ხომალდმა "ანომალია" განიცადა. ბატარეების დატენვისა და ელექტროენერგიის მიწოდების შესაძლებლობის გარეშე, მისია ვერ გაგრძელდება. „გუნდი რეაგირებს რეალურ დროში სიტუაციის განვითარებასთან ერთად და მოგაწვდით ინფორმაციას დამატებითი მონაცემების მოპოვებისა და ანალიზის შემდეგ," - ნათქვამია კომპანიის განცხადებაში. აშშ-ში მთვარის მიმართულებით პირველი კერძო კოსმოსური ხომალდი 8 იანვარს გაუშვეს.
ამერიკულმა კომპანიამ მთვარეზე ისტორიული მისია შეასრულა
ამერიკულმა კომპანიამ ისტორია დაწერა და გახდა პირველი კომერციული სუბიექტი, რომელმაც მთვარეზე კოსმოსური ხომალდი დასვა. ჰიუსტონში დაფუძნებულმა Intuitive Machines-მა თავისი რობოტი - Odysseus მთვარის სამხრეთ პოლუსთან დასვა. როგორც BBC წერს, ეს მნიშვნელოვანი მომენტია არამხოლოდ კოსმოსის კომერციული ექსპლუატაციისთვის, არამედ, ზოგადად აშშ-ის კოსმოსური პროგრამისთვის. Intuitive Machines-მა, მთვარის ზედაპირზე შეერთებული შტატების ნახევარსაუკუნოვანი პაუზა დაარღვია. პროგრამა „აპოლო“ (ინგლ. Apollo program), ასევე ცნობილი როგორც პროექტი „აპოლო“ (ინგლ. Project Apollo) — კოსმოსური ფრენების სერია NASA-ს მიერ (აშშ) „აპოლოს“ ტიპის კოსმოსური ხომალდის და „სატურნ V“ ტიპის რაკეტა-მატარებლებით 1961-1972 წლებში განხორციელდა.
